ദുബൈ/ലണ്ടന്‍: മലബാര്‍ ഗോള്‍ഡ് & ഡയമണ്ട്‌സ് യു. കെയിലെ ബ്രാന്‍ഡിന്റെ സാന്നിധ്യം വ്യാപിപ്പിച്ച് ബര്‍മിംഗ്ഹാമിലും സൗത്താളിലും പുതിയ 2 ഷോറൂമുകള്‍ കൂടി ആരംഭിച്ചു. അന്താരാഷ്ട്ര ജ്വല്ലറി വിപണിയില്‍ ബ്രാന്‍ഡിന്റെ സ്വാധീനം കൂടുതല്‍ ശക്തിപ്പെടുത്തുന്ന പുതിയ ഷോറൂമുകള്‍ പ്രശസ്ത ബോളിവുഡ് താരവും മലബാര്‍ ഗോള്‍ഡ് & ഡയമണ്ട്‌സ് ബ്രാന്‍ഡ് അംബാസഡറുമായ കരീന കപൂര്‍ ഖാന്‍ ഉദ്ഘാടനം ചെയ്തു.

മലബാര്‍ ഗ്രൂപ് ചെയര്‍മാന്‍ എം.പി അഹമ്മദ്, ഗ്രൂപ് വൈസ് ചെയര്‍മാന്‍ കെ.പി അബ്ദുല്‍ സലാം, ഇന്റര്‍നാഷണല്‍ ഓപറേഷന്‍സ് എം.ഡി ഷംലാല്‍ അഹമ്മദ്, ഗ്രൂപ് സീനിയര്‍ ഡയരക്ടര്‍ സി.മായന്‍കുട്ടി, ഫിനാന്‍സ് & അഡ്മിന്‍ ഡയരക്ടര്‍ അമീര്‍ സി.എം.സി, ഗ്രൂപ് എക്‌സിക്യൂട്ടിവ് ഡയരക്ടര്‍ എ.കെ ഫൈസല്‍, തുടങ്ങിയവര്‍ ചടങ്ങില്‍ പങ്കെടുത്തു.

ഗ്രൂപ്പിന്റെ ആഗോള തലത്തിലുള്ള വളര്‍ച്ചയില്‍, പടിഞ്ഞാറന്‍ മേഖലയിലെ പ്രധാന കണ്ണിയായ യു.കെയിലെ ബര്‍മിംഗ്ഹാം, സൗത്താള്‍ എന്നിവിടങ്ങളില്‍ ഫ്‌ലാഗ്ഷിപ് ഷോറൂമുകള്‍ ആരംഭിക്കാന്‍ കഴിഞ്ഞതില്‍ തങ്ങള്‍ക്ക് അതിയായ സന്തോഷമുണ്ടെന്നും, നിലവിലുള്ള 4 ഷോറൂമുകള്‍ക്ക് പുറമെ, കൂടുതല്‍ ഷോറൂമുകള്‍ ആരംഭിക്കാനുള്ള പദ്ധതിയും ആവിഷ്‌കരിച്ചിട്ടുണ്ടെന്നും, ഇത് യു.കെയിലെ ബ്രാന്‍ഡിന്റെ സാന്നിധ്യം കൂടുതല്‍ ശക്തിപ്പടുത്തുന്നതിനോടൊപ്പം, അന്താരാഷ്ട്ര വിപണിയിലെ ഏറ്റവും പ്രിയപ്പെട്ട ജ്വല്ലറി ബ്രാന്‍ഡാവുക എന്ന ദൗത്യത്തിനും കൂടുതല്‍ പ്രചോദനം പകരുന്നുവെന്നും എം.പി അഹമ്മദ് വ്യക്തമാക്കി. വിശ്വാസമര്‍പ്പിച്ചു കൂടെ നിന്ന എല്ലാ ഉപയോക്താക്കള്‍ക്കും, നിക്ഷേപകര്‍ക്കും, ടീം അംഗങ്ങള്‍ക്കും അദ്ദേഹം നന്ദി അറിയിച്ചു.

 

 

 

 

 

View this post on Instagram

 

 

 

 

 

 

 

 

 

 

 

A post shared by Malabar Gold & Diamonds UK (@malabargoldanddiamondsuk)

യു.കെയിലെ പുതിയ ഷോറൂമുകള്‍ സമ്പൂര്‍ണ ആഡംബര ജ്വല്ലറി ഡെസ്റ്റിനേഷന്‍ ആയാണ് രൂപകല്‍പന ചെയ്തിട്ടുള്ളത്. ആഭരണ പ്രേമികള്‍ക്കായി മലബാര്‍ ഗോള്‍ഡ് ആന്‍ഡ് ഡയമണ്ട്‌സിന്റെ 25 എക്‌സ്‌ക്ലൂസിവ് ബ്രാന്‍ഡുകളില്‍ ഉള്‍പ്പെടുന്ന 18 കാരറ്റ്, 22 കാരറ്റ് ഗോള്‍ഡ്, ഡയമണ്ട്, വില കൂടിയ രത്‌നാഭരണങ്ങളുടെ 30,000ത്തിലധികം ഡിസൈനുകള്‍ പുതിയ ഷോറൂമുകളില്‍ ഒരുക്കിയിട്ടുണ്ട്. വിവാഹാവശ്യങ്ങള്‍ക്കായി എക്‌സ്‌ക്ലൂസിവ് ബ്രൈഡല്‍ കളക്ഷനും ഉപയോക്താക്കളുടെ ഇഷ്ടാനുസൃതമായി ആഭരണങ്ങള്‍ കസ്റ്റമൈസ് ചെയ്യാനുള്ള സൗകര്യവും ഇവിടെയുണ്ട്. 5,700 ചതുരശ്ര അടിയിലധികം വിസ്തീര്‍ണ്ണമുള്ള ബര്‍മിംഗ്ഹാം ഷോറൂം യു.കെയിലെ ബ്രാന്‍ഡിന്റെ ഏറ്റവും വലിയ ഔട്ട്‌ലെറ്റാണ്.

യൂറോപ്പിലുടനീളമുള്ള തങ്ങളുടെ വിപുലീകരണ പദ്ധതിയുടെ തുടക്കം യു.കെയില്‍ നിന്നാണെന്നും, ഇതു കൂടാതെ, ഈ ഭൂഖണ്ഡത്തിലെ പ്രധാന നഗരങ്ങളിലെല്ലാം പുതിയ ഷോറൂമുകള്‍ ആരംഭിക്കാനുള്ള പദ്ധതികള്‍ ആസൂത്രണം ചെയ്തിട്ടുണ്ടെന്നും കെ.പി അബ്ദുല്‍ സലാം അഭിപ്രായപ്പെട്ടു. നിലവില്‍ മലബാര്‍ ഗോള്‍ഡ് ആന്‍ഡ്

ഡയമണ്ട്‌സ് ബര്‍മിംഗ്ഹാം, ലെസ്റ്റര്‍, സൗത്താള്‍, ഗ്രീന്‍ സ്ട്രീറ്റ് (ലണ്ടന്‍) എന്നിവിടങ്ങളില്‍ പ്രവര്‍ത്തിച്ചു വരുന്നു.
യു.കെയിലെ വിപുലീകരണ ഭാഗമായി മാഞ്ചസ്റ്ററില്‍ പുതിയ ഷോറൂം ആരംഭിക്കാനും, ലണ്ടനിലെ മൂന്നാമത്തെ ഷോറൂം തുറക്കുവാനുമുള്ള പദ്ധതികള്‍ നടപ്പിലാക്കി വരികയാണ്. ഇതിനു പുറമെ, അയര്‍ലാന്‍ഡിലേക്കും ഫ്രാന്‍സിലേക്കും കൂടി പ്രവര്‍ത്തനം ഉടനെ വ്യാപിപ്പിക്കുമെന്നും ഇന്റര്‍നാഷണല്‍ ഓപറേഷന്‍സ് എം.ഡി ഷംലാല്‍ അഹമ്മദ് പറഞ്ഞു. രണ്ടു ഷോറൂമുകളിലും അത്യാകര്‍ഷക ബ്രൈഡല്‍, ഡെയ്‌ലി വെയര്‍, ഓഫിസ് വെയര്‍, ഫെസ്റ്റിവ് കളക്ഷന്‍ എന്നിവയുടെ വിപുല ശേഖരം ഒരുക്കിയിട്ടുണ്ട്.

ALSO READ: വിദേശത്തുനിന്ന് നാട്ടിലേക്ക് പണം അയക്കുന്നത് എളുപ്പമാക്കും; യു.പി.ഐ- യു.പി.യു സംയോജനത്തിന് തുടക്കം കുറിച്ചു

Malabar Gold & Diamonds has expanded the brand’s presence in the U.K. with the opening of two new showrooms in Birmingham and Southall. The new showrooms, which further strengthen the brand’s influence in the international jewellery market, were inaugurated by Bollywood star and Malabar Gold & Diamonds brand ambassador Kareena Kapoor Khan.