ദുബൈ: ഇന്ന് ഉച്ചതിരിഞ്ഞ് ദുബൈ സ്‌പോർട്‌സ് സിറ്റിയിൽ ഏഷ്യാ കപ്പ് ക്രിക്കറ്റ് മത്സരങ്ങൾ ആരംഭിക്കുകയാണ്. ഈ സാഹചര്യത്തിൽ, ഹെസ്സ സ്ട്രീറ്റിൽ പ്രതീക്ഷിക്കുന്ന ഗതാഗത കുരുക്ക് ഒഴിവാക്കാൻ ഡ്രൈവർമാർ മുൻകൂട്ടി യാത്ര ആസൂത്രണം ചെയ്യണമെന്ന് ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ) നിർദേശിച്ചു. 

മത്സരം വൈകുന്നേരം 4:30-ന് ആണ് ആരംഭിക്കുന്നത്. നിരവധി ആരാധകർ പങ്കെടുക്കുമെന്നാണ് പ്രതീക്ഷിക്കുന്നത്. ഡ്രൈവർമാർ നേരത്തെ പുറപ്പെടുകയും, സാധ്യമെങ്കിൽ മറ്റ് റൂട്ടുകൾ ഉപയോഗിക്കുകയും വേണം. കൂടാതെ, കാലതാമസം ഒഴിവാക്കി സ്റ്റേഡിയത്തിലേക്ക് സുഗമമായ പ്രവേശനം ഉറപ്പാക്കാൻ പൊതുഗതാഗത സൗകര്യങ്ങൾ പ്രയോജനപ്പെടുത്താമെന്നും ആർടിഎ ഉപദേശിച്ചു.

പ്രധാന പരിപാടികളുടെ സമനയത്ത് ഗതാഗതം കാര്യക്ഷമമായി നിയന്ത്രിക്കാനും, കാണികൾക്കും സാധാരണ യാത്രക്കാർക്കും സുരക്ഷിതവും സുഗമവുമായ യാത്ര ഉറപ്പാക്കാനുമുള്ള തങ്ങളുടെ ശ്രമങ്ങളുടെ ഭാഗമാണ് ഈ ഉപദേശമെന്ന് അതോറിറ്റി വ്യക്തമാക്കി.