ഭോപ്പാല്‍: അച്ഛനോടൊപ്പം ടിവി കാണുന്നതിനിടെ വിഷപ്പാമ്പിന്റെ കടിയേറ്റ് രണ്ട് കുട്ടികള്‍ മരിച്ചു. പാമ്പിന്റെ കടിയേറ്റ കുട്ടികളുടെ അച്ഛന്‍ ചികിത്സയിലാണ്. മധ്യപ്രദേശിലെ ലാന്‍ജി തഹസിലെ കുല്‍പ ഗ്രാമത്തില്‍ താമസിക്കുന്ന ദിനേശ് ദഹാരെയുടെ മക്കളായ കുനാല്‍, ഇഷാന്ത് എന്നിവരാണ് മരിച്ചത്. കടിച്ചിരുന്നത് പാമ്പാണെന്ന് ആദ്യം മനസ്സിലായിരുന്നില്ല.

ദിനേശ് രാത്രി 10 മണിയോടെ കുടുംബവുമൊത്ത് ടിവി കണ്ടുകൊണ്ടിരിക്കുമ്പോഴാണ് സംഭവം നടന്നതെന്നാണ് പൊലീസ് പറയുന്നത്. ടിവി കണ്ടുകൊണ്ടിരിക്കെ കുട്ടികള്‍ പെട്ടെന്ന് ഛര്‍ദ്ദിക്കാന്‍ തുടങ്ങി. എന്താണ് കാരണം എന്നു വ്യക്തമായില്ല. രണ്ട് കുട്ടികളെയും ബന്ധുക്കള്‍ ഉടനെ ഡോക്ടറെ കാണിക്കാന്‍ കൊണ്ടുപോയി.

കുട്ടികള്‍ അവശ നിലയിലാകാന്‍ എന്താണ് കാരണമെന്ന് ഡോക്ടര്‍ക്കും കണ്ടെത്താന്‍ കഴിഞ്ഞില്ല. ഇതോടെ, കുട്ടികളെ ഗോണ്ടിയയിലെ ഒരു സ്വകാര്യ ആശുപത്രിയിലേക്ക് കൊണ്ടുപോയി. ഇളയ മകനായ ഇഷാന്ത് ആശുപത്രിയിലേക്കുള്ള യാത്രാമധ്യേ മരിച്ചു.

മൂത്ത മകനായ കുനാലിനെ ആശുപത്രിയില്‍ പ്രവേശിപ്പിച്ചെങ്കിലും വൈകാതെ അവനും മരിക്കുകയായിരുന്നു. അച്ഛന്‍ ദിനേശ് ഗുരുതരാവസ്ഥയില്‍ ആശുപത്രിയില്‍ ചികിത്സയിലുമാണ്. മൂവര്‍ക്കും പാമ്പ് കടിയേറ്റതാണെന്ന് ആദ്യ ഘട്ടത്തില്‍ ആരും തിരിച്ചറിഞ്ഞിരുന്നില്ല. പിന്നീട് രോഗലക്ഷണങ്ങള്‍ കണ്ടുതുടങ്ങിയപ്പോഴാണ് ഇവരെ പാമ്പ് കടിച്ചതാണെന്ന് മനസ്സിലായതെന്നാണ് പൊലീസ് പറഞ്ഞത്.  തുടര്‍ന്ന് അയല്‍വാസികള്‍ ദിനേശിന്റെ വീട്ടില്‍ പരിശോധന നടത്തി.

ALSO READ: ദക്ഷിണ റെയില്‍വേക്കുള്ള ആദ്യ അമൃത് ഭാരതും തമിഴ്‌നാടിന്; കേന്ദ്രത്തിന്റെ പ്രത്യേക സ്‌നേഹത്തിനു പിന്നില്‍ തെരഞ്ഞെടുപ്പ്

അവിടെ നിന്ന് വെള്ളിക്കെട്ടന്‍ അഥവാ ശംഖുവരയന്‍ പാമ്പിനെ കണ്ടെത്തി. അതിനെ നാട്ടുകാര്‍ തല്ലിക്കൊല്ലുകയായിരുന്നു. ഉഗ്രവിഷമുള്ള പാമ്പുകളില്‍ ഒന്നാണിത്. പക്ഷേ ഈ പാമ്പിന്റെ കടിയേറ്റാല്‍ വേദന പലപ്പോഴും അറിയാറില്ല. പാമ്പിന്റെ വിഷം ശരീരത്തില്‍ കയറി കുറച്ചുനേരം കഴിഞ്ഞ ശേഷമാണ് സാധാരണയായി രോഗലക്ഷണങ്ങള്‍ കണ്ടുതുടങ്ങുന്നത്.

കടിയേറ്റാല്‍ കാഴ്ച മങ്ങല്‍, ഓര്‍മക്കുറവ്, മരവിപ്പ്, ഓക്കാനം, ഛര്‍ദി, ബോധക്ഷയം തുടങ്ങിയ ലക്ഷണങ്ങള്‍ അനുഭവപ്പെടും. ചികിത്സ ലഭിച്ചില്ലെങ്കില്‍ മരണം സംഭവിക്കാം. ഉറക്കത്തില്‍ ഇവയുടെ കടിയേറ്റതറിയാതെ മരണങ്ങളുമുണ്ടായിട്ടുണ്ട്. കുട്ടികളുടെ അമ്മ അപ്രതീക്ഷിതമായുണ്ടായ ദുരന്തത്തിന്റെ ആഘാതത്തിലാണ്. ആശ്വസിപ്പിക്കാനാകാതെ ബന്ധുക്കളും നാട്ടുകാരും നിസ്സഹായരായി നിന്നു.

A tragic incident occurred in Kulp village, Lanji tehsil of Madhya Pradesh, where two children — Kunal and Ishan — died due to an undetected snakebite. They were the sons of Dinesh Dhahare, who is currently in critical condition under medical care. According to police, the family was watching TV together around 10 PM when the children suddenly began vomiting. The cause was unclear at first, and the children were rushed to a local doctor. When symptoms worsened, they were taken to a private hospital in Gondia.