ദുബൈ: ഇന്ത്യ-പാക് പോരാട്ടത്തിന് ഒരുങ്ങി ദുബൈ അന്താരാഷ്ട്ര സ്‌റ്റേഡിയം. നാളെ നടക്കുന്ന മത്സരം കാണാന്‍ ആയിരക്കണക്കിന് ക്രിക്കറ്റ് പ്രേമികളാകും സ്റ്റേഡിയത്തിലേക്ക് ഒഴുകിയെത്തുക. ആവേശത്തിനപ്പുറം നിയമപാലനത്തിലും സുരക്ഷയിലും ശ്രദ്ധ പുലര്‍ത്തണമെന്ന് ക്രിക്കറ്റ് പ്രേമികള്‍ക്ക് ദുബൈ പൊലിസ് മുന്നറിയിപ്പ് നല്‍കി. ഇന്ത്യ-പാക് മത്സരത്തിന്റെ ആവേശത്തില്‍ നിയമങ്ങളും ചട്ടങ്ങളും ലംഘിക്കാതെ യുഎഇയുടെ സംസ്‌കാരത്തിന് ചേരുന്ന പെരുമാറ്റം പുറത്തെടുക്കണമെന്ന് ദുബൈ ഇവന്റ് സെക്യൂരിറ്റി കമ്മിറ്റി ചെയര്‍മാന്‍ കൂടിയായ ദുബൈ പൊലിസിലെ മേജര്‍ ജനറല്‍ സൈഫ് മെഹ്‌റൂഫ് അല്‍ മസ്‌റൂഇ വ്യക്തമാക്കി.

ALSO READ: പാകിസ്താനെതിരെ സെഞ്ച്വറിയടിക്കാൻ അർഷദീപ് സിങ്; മുന്നിലുള്ളത് ഒറ്റ ഇന്ത്യക്കാരനുമില്ലാത്ത നേട്ടം 

ഏഷ്യാ കപ്പ് മത്സരങ്ങള്‍ കാണാന്‍ എത്തുന്നവര്‍ക്കായി ദുബൈ പൊലിസ് പ്രത്യേക മാര്‍ഗ നിര്‍ദേശങ്ങളും നിയമങ്ങളും പുറപ്പെടുവിച്ചിരുന്നു. മത്സം തുടങ്ങുന്നതിന് മൂന്നു മണിക്കൂര്‍ മുമ്പ് സ്റ്റേഡിയത്തിന്റെ ഗേറ്റുകള്‍ തുറക്കും. വൈകീട്ട് യുഎഇ സമയം ആറരയ്ക്കാകും കളി ആരംഭിക്കുക. ടിക്കറ്റ് ഇല്ലാത്തവരെ സ്റ്റേഡിയത്തില്‍ പ്രവേശിപ്പിക്കുകയില്ല. നിയമവിരുദ്ധമായി പാര്‍ക്ക് ചെയ്യുന്ന വാഹനങ്ങള്‍ക്കെതിരെ ശക്തമായ നടപടി ഉണ്ടാകും.

ക്രിക്കറ്റ് പ്രേമികള്‍ക്കായി സ്റ്റേഡിയത്തിന് സമീപം പ്രത്യേക പാര്‍ക്കിംഗ് സൗകര്യം ഒരുക്കും. ഒരിക്കല്‍ സ്റ്റേഡിയത്തില്‍ പ്രവേശിച്ച് പുറത്തുപോയാല്‍ പിന്നീട് പ്രവേശിപ്പിക്കില്ല. നിയമം ലംഘിക്കുന്നവര്‍ക്കെതിരെ ശക്തമായ നടപടി ഉണ്ടാകും. 

ടിക്കറ്റ് ഇല്ലാതെ സ്റ്റേഡിയത്തിനുള്ളില്‍ കടക്കുകയോ പടക്കം പോലോത്ത നിരോധിത വസ്തുക്കള്‍ കൈവശം കരുതുകയോ ചെയ്താല്‍ ഒരു മാസം മുതല്‍ 3 മാസം വരെ തടവുശിക്ഷ ലഭിക്കും. ഇതിനുപുറമേ കുറഞ്ഞത് അയ്യായിരം ദിര്‍ഹം മുതല്‍ മുപ്പതിനായിരം ദിര്‍ഹം വരെ പിഴയും ചുമത്തും.

സ്‌റ്റേഡിയത്തില്‍ നിരോധിച്ച വസ്തുക്കള്‍

• റിമോട്ട് കണ്‍ട്രോള്‍ ഉപയോഗിച്ച് പ്രവര്‍ത്തിക്കുന്ന ഉപകരണങ്ങള്‍
• വിഷ പദാര്‍ത്ഥങ്ങള്‍
• പവര്‍ബാങ്കുകള്‍
• വളര്‍ത്തുമൃഗങ്ങള്‍
• പടക്കങ്ങള്‍
• ഗ്ലാസ് വസ്തുക്കള്‍
• ലേസര്‍ പോയിന്ററുകള്‍
• സെല്‍ഫി സ്റ്റിക്കുകള്‍
• മൂര്‍ച്ചയുള്ള വസ്തുക്കള്‍
• പുറമേ നിന്നുള്ള ഭക്ഷണപാനീയങ്ങള്‍
• പതാകളും ബാനറുകളും
• സെല്‍ഫി സ്റ്റിക്കുകള്‍

Dubai International Stadium is all set for the India-Pakistan clash. Thousands of cricket fans will flock to the stadium to watch the match tomorrow.