അബൂദബി: സെപ്റ്റംബർ 15 തിങ്കളാഴ്ച മുതൽ ഉച്ചസമയത്തെ ജോലി നിരോധനം അവസാനിപ്പിക്കാൻ യുഎഇ. വേനൽക്കാലത്തെ കനത്ത ചൂടിൽ നിന്ന് ഔട്ട്ഡോർ തൊഴിലാളികളെ സംരക്ഷിക്കാൻ ഏർപ്പെടുത്തിയിരുന്ന വാർഷിക മധ്യാഹ്ന ജോലി നിരോധനമാണ് ഇപ്പോൾ നീക്കം ചെയ്യുന്നത്. 

ജൂൺ 15 മുതലാണ് ഈ നിയന്ത്രണം നിലവിൽ വന്നത്. ഉച്ചയ്ക്ക് 12:30 മുതൽ 3:00 വരെയാണ് ഔട്ട്ഡോർ ജോലികൾ നിരോധിച്ചിരുന്നത്. തൊഴിലാളികളെ അതിതീവ്രമായ താപനിലയിൽ നിന്ന് സംരക്ഷിക്കുന്നതിനായിരുന്നു ഈ നടപടി.

ALSO READ: മസ്കത്ത് വിമാനത്താവളത്തിൽ 8 കിലോഗ്രാം കഞ്ചാവുമായി ഇന്ത്യക്കാരി പിടിയിൽ; പിടിച്ചെടുത്തത് ബിസ്കറ്റ് പാക്കറ്റുകളിലും ലഘുഭക്ഷണ ടിന്നുകളിലും ഒളിപ്പിച്ചു കടത്താൻ ശ്രമിച്ച കഞ്ചാവ്

21-ാം വർഷത്തിലേക്ക് കടന്ന ഈ സംരംഭം, രാജ്യത്തിന്റെ തൊഴിൽ ആരോഗ്യ-സുരക്ഷാ ചട്ടക്കൂടിന്റെ പ്രധാന ഭാഗമായി മാറിയിട്ടുണ്ട്. മന്ത്രാലയത്തിന്റെ കണക്കുകൾ പ്രകാരം,‌ 2022-ൽ 99 ശതമാനമായിരുന്നു  ഈ നിയമം പാലിച്ചിരുന്നത്. എന്നാൽ, 2023-ൽ ഇത് 99.9 ശതമാനമായി ഉയർന്നു. സ്വകാര്യ കമ്പനികളും അധികാരികളും തമ്മിലുള്ള അടുത്ത സഹകരണത്തിന്റെ ഫലമാണ് ഈ മാറ്റം.

ഉച്ച സമയത്തെ വിശ്രമം, ഡീഹൈഡ്രേഷൻ, ക്ഷീണം, സൂര്യാ​ഘാതം തുടങ്ങിയ ചൂടുമായി ബന്ധപ്പെട്ട രോഗങ്ങൾ കുറയ്ക്കാനുള്ള സർക്കാരിന്റെ ശ്രമങ്ങളുടെ ഭാ​ഗമാണ്. ഈ കാലയളവിൽ നിരോധിത സമയത്തെ ഔട്ട്ഡോർ ജോലികൾ നിർത്തിവയ്ക്കുക മാത്രമല്ല, തണലുള്ള വിശ്രമ സ്ഥലങ്ങൾ, കുടിവെള്ളം, മറ്റ് പ്രതിരോധ നടപടികൾ എന്നിവ ഉറപ്പാക്കാനും തൊഴിലുടമകൾ ബാധ്യസ്ഥരാണ്.

The UAE has announced the end of its annual midday work ban, effective September 15. This ban, which prohibited outdoor work between 12:30 pm and 3:00 pm, was implemented to protect workers from the extreme summer heat.