തിരുവനന്തപുരം: വിവാദങ്ങള്‍ക്കിടെ ലൈംഗിക പീഡന പരാതി നേരിടുന്ന രാഹുല്‍ മാങ്കൂട്ടത്തില്‍ എം.എല്‍.എ നിയമസഭാ സമ്മേളനത്തില്‍ പങ്കെടുക്കാനെത്തി. പ്രതിപക്ഷ നേതാവ് വി.ഡി സതീശന്റെ കടുത്ത എതിര്‍പ്പ് അവഗണിച്ചാണ് രാഹുല്‍ സഭയിലെത്തിയിരിക്കുന്നത്. യൂത്ത് കോണ്‍ഗ്രസ് പാലക്കാട് ജില്ലാ അധ്യക്ഷന്‍ മേമം ഷെജീറും സുഹൃത്തുക്കളുമാണ് രാഹുലിനൊപ്പമുള്ളത്. 

രാഹുല്‍ സഭയിലെത്തുന്നതിന് തടസമില്ലെന്ന് കഴിഞ്ഞ ദിവസം നിയമസഭാ സ്പീക്കര്‍ എ.എന്‍ ഷംസീര്‍ വ്യക്തമാക്കിയിരുന്നു. രാഹുല്‍ എത്തുന്നതിനെപറ്റി തനിക്കറിയില്ല. എത്തിയാല്‍ പ്രത്യേക ബ്ലോക്ക് നല്‍കി, പ്രതിപക്ഷനിരയില്‍ അവസാന അംഗത്തിനപ്പുറം സീറ്റ് ക്രമീകരിക്കും. ഇക്കാര്യം ആവശ്യപ്പെട്ട് പ്രതിപക്ഷ നേതാവിന്റെ കത്ത് തനിക്ക് ലഭിച്ചിട്ടുണ്ടെന്നും സ്പീക്കര്‍ പറഞ്ഞു.

ALSO READ: അമീബിക് മസ്തിഷ്‌ക ജ്വരം: നീന്തല്‍ കുളങ്ങള്‍ക്ക് കര്‍ശന സുരക്ഷാ നിര്‍ദേശങ്ങള്‍ നല്‍കി ആരോഗ്യവകുപ്പ് ഉത്തരവിറക്കി

അടിയന്തര പ്രമേയത്തിലും മറ്റും പങ്കെടുക്കാന്‍ രാഹുലിന് പ്രത്യേകാനുമതി ഇല്ല. സഭയില്‍ വരണോ എന്ന് അദ്ദേഹമാണ് തീരുമാനിക്കേണ്ടതെന്നും സ്പീക്കര്‍ മാധ്യമപ്രവര്‍ത്തകരുടെ ചോദ്യത്തിന് മറുപടി നല്‍കി. രാഹുല്‍ മാങ്കൂട്ടത്തിലിന്റെ അവധി അപേക്ഷ ലഭിച്ചിട്ടില്ല. ഇ-നിയമസഭാ സിസ്റ്റം പോരായ്മകള്‍ പരിഹരിച്ച് ഈ വര്‍ഷം തന്നെ പ്രവര്‍ത്തനം തുടരുമെന്നും സ്പീക്കര്‍ അറിയിച്ചു.

rahul mankootathil ends all speculation as he attends the niyamasabha and takes his seat in a specially designated block, marking his official entry.