ഇടുക്കി: അടിമാലിയില്‍ കെഎസ്ആര്‍ടിസി വിനോദയാത്ര ബസ് അപകടത്തില്‍പ്പെട്ടു. 16 പേര്‍ക്ക് പരിക്കേറ്റു. പനംകുട്ടിക്ക് സമീപമാണ് അപകടമുണ്ടായത്. ബ്രേക്ക് നഷ്ടപ്പെട്ട ബസ് പാതയോരത്ത് ഇടിച്ച് നില്‍ക്കുകയായിരുന്നു. തലയ്ക്ക് പരിക്കേറ്റ നാലുപേരുടെ നില ഗുരുതരമാണെന്നാണ് റിപ്പോര്‍ട്ട്. 

കണ്ണൂര്‍ പയ്യന്നൂരില്‍ നിന്ന് യാത്ര ആരംഭിച്ച കെഎസ്ആര്‍ടിസിയുടെ ബഡ്ജറ്റ് ടൂറിസം സെല്ലിന്റെ ഉല്ലാസ യാത്ര ബസാണ് അപകടത്തില്‍പ്പെട്ടത്. 36 സഞ്ചാരികളും, രണ്ട് കുട്ടികളുമാണ് ബസിലുണ്ടായിരുന്നത്. അടിമാലിയില്‍വെച്ച് ബസിന് ബ്രേക്ക് നഷ്ടപ്പെടുകയായിരുന്നു. പരിക്കേറ്റവരില്‍ പത്ത് പേരെ അടിമാലി താലൂക്ക് ആശുപത്രിയിലും, ആറുപേരെ മോര്‍ണിങ് സ്റ്റാര്‍ ആശുപത്രിയിലും പ്രവേശിപ്പിച്ചു.

ALSO READ: നിവേദനം നല്‍കാനെത്തിയ വയോധികനെ സുരേഷ് ഗോപി അപമാനിച്ച സംഭവം; ഇടപെട്ട് സിപിഐഎം; കൊച്ചുവേലായുധന്റെ വീട് നിര്‍മ്മാണം പാര്‍ട്ടി ഏറ്റെടുത്തു 

A KSRTC tourist bus met with an accident in Adimali. Sixteen people were injured. The accident occurred near Panamkutty.