ദുബൈ: എമിറേറ്റിലെ കാല്‍നട യാത്രക്കാരുടെയും അപകടങ്ങളുടെയും മരണ നിരക്കില്‍ ഗണ്യമായ കുറവ്. 2007ല്‍ 100,000 പേരില്‍ 9.5 മരണങ്ങള്‍ ആയിരുന്നത് 2024ല്‍ 0.3 മരണമായി കുറഞ്ഞുവെന്നും, 97 ശതമാനത്തിന്റെ കുറവാണുണ്ടായിരിക്കുന്നതെന്നും റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) അറിയിച്ചു. കാല്‍നട യാത്രക്കാര്‍ക്കും, സൈക്കിള്‍ യാത്രക്കാര്‍ക്കുമായി പുതുതായി പാലങ്ങള്‍ പൂര്‍ത്തീകരിക്കുമെന്നും ആര്‍.ടി.എ പ്രഖ്യാപിച്ചു. 2030 അവസാനത്തോടെ 23 എണ്ണം കൂടി നിര്‍മിക്കാനുള്ള പദ്ധതികളും അധികൃതര്‍ വെളിപ്പെടുത്തി. റോഡ് സുരക്ഷ വര്‍ധിപ്പിക്കാനുള്ള ദുബൈ എമിറേറ്റിന്റെ തന്ത്രത്തിന്റെ ഭാഗമാണ് ഈ ശ്രമങ്ങളെന്ന് ആര്‍.ടി.എ എക്‌സിക്യൂട്ടിവ് ഡയരക്ടര്‍ ബോര്‍ഡ് ചെയര്‍മാനും ഡയറക്ടര്‍ ജനറലുമായ മത്തര്‍ അല്‍ തായര്‍ പറഞ്ഞു.

ആര്‍.ടി.എയുടെ സംയോജിത അടിസ്ഥാന സൗകര്യ സംരംഭങ്ങള്‍ കാല്‍നട യാത്രകളുടെ എണ്ണം 2023ലെ 307 ദശലക്ഷത്തില്‍ നിന്ന് 2024ല്‍ 326 ദശലക്ഷമായി കൂടി. ഇത് 6 ശതമാനം വളര്‍ച്ചയാണ്. സൈക്ലിംഗ് യാത്രകള്‍ 2023ല്‍ 44 ദശലക്ഷത്തില്‍ നിന്ന് 2024ല്‍ 46.6 ദശലക്ഷമായും ഉയര്‍ന്നു. ഇത് 5 ശതമാനം വര്‍ധനയെ പ്രതിഫലിപ്പിക്കുന്നു.

പുതിയ പാലങ്ങള്‍

അല്‍ ഷിന്ദഗ കോറിഡോര്‍ മെച്ചപ്പെടുത്തല്‍ പദ്ധതിയുടെ കീഴില്‍ ശൈഖ് റാഷിദ് സ്ട്രീറ്റിലും അല്‍ മിന സ്ട്രീറ്റിലും രണ്ട് കാല്‍നട പാലങ്ങള്‍ ആര്‍.ടി.എ പൂര്‍ത്തിയാക്കി. നിലവിലുള്ള പദ്ധതിയുടെ ഭാഗമായാണീ പൂര്‍ത്തീകരണം.
രണ്ട് പാലങ്ങളിലും ലിഫ്റ്റുകള്‍, ചവിട്ടു പടികള്‍, ഇലക്ട്രോ മെക്കാനിക്കല്‍ സിസ്റ്റം മുറികള്‍ എന്നിവയും; ഫയര്‍ അലാറം, ഫയര്‍ ഫൈറ്റിംഗ് സംവിധാനങ്ങള്‍ എന്നിവയും ഉള്‍ക്കൊള്ളുന്നു. കൂടാതെ, റിമോട്ട് മോണിറ്ററിംഗ് സംവിധാനങ്ങളുമുണ്ട്.

ഇതിനു പുറമെ, ദുബൈയിലെ പ്രധാന തെരുവുകളിലായി ആറ് കാല്‍നട, സൈക്ലിസ്റ്റ് പാലങ്ങള്‍ നിര്‍മിക്കുന്നുണ്ട്. ഇതില്‍ അഞ്ചെണ്ണം ഈ വര്‍ഷം അവസാനത്തോടെ തുറക്കും. ആറാമത്തെ സെറ്റ് 2027 ആദ്യ പാദത്തില്‍ പൂര്‍ത്തിയാകും.
ശൈഖ് സായിദ് റോഡിലെയും അല്‍ ഖൈല്‍ റോഡിലെയും കാല്‍നട, സൈക്ലിസ്റ്റ് പാലങ്ങള്‍ ദുബൈ ഇന്റര്‍നെറ്റ് സിറ്റി, അല്‍ ബര്‍ഷ ഹൈറ്റ്‌സ്, അല്‍ ബര്‍ഷ 3 എന്നിവയിലൂടെ അല്‍ സുഫൂഹിനെയും ദുബൈ ഹില്‍സിനെയും തന്ത്രപരമായി ബന്ധിപ്പിക്കുന്നതാണ്. ഓരോന്നിനും അഞ്ച് മീറ്റര്‍ വീതിയുണ്ട്. സൈക്ലിസ്റ്റുകള്‍ക്കും ഇസ്‌കൂട്ടര്‍ ഉപയോക്താക്കള്‍ക്കും മൂന്ന് മീറ്റര്‍ ട്രാക്കും കാല്‍നട യാത്രക്കാര്‍ക്ക് രണ്ട് മീറ്റര്‍ പാതയും ഉണ്ട്.

വികസനത്തിലിരിക്കുന്ന മറ്റ് പാലങ്ങളില്‍ അല്‍ ഖൂസ് ക്രിയേറ്റിവ് സോണിലെ അല്‍ മനാറ സ്ട്രീറ്റിലുള്ള ഒരെണ്ണം ഉള്‍പ്പെടുന്നു. പ്രവേശന ക്ഷമതയ്ക്കായി ഇരു വശത്തും റാംപുകളും, രണ്ട് പ്രധാന ക്രോസിംഗുകളും അടങ്ങിയിരിക്കുന്നു. ഒന്ന് ടുണീസ് സ്ട്രീറ്റുമായുള്ള കവലയില്‍ ശൈഖ് മുഹമ്മദ് ബിന്‍ സായിദ് റോഡിലും, മറ്റൊന്ന് വാദി അല്‍ സഫ4നെ ദുബൈ സിലിക്കണ്‍ ഒയാസിസുമായി ബന്ധിപ്പിക്കുന്നു.
ദുബൈ സെന്‍ട്രല്‍ ബിസിനസ് ഡിസ്ട്രിക്റ്റിലെ അല്‍ സുകൂക്ക് സ്ട്രീറ്റിലെ ഫ്യൂച്ചര്‍ സ്ട്രീറ്റ് ഇംപ്രൂവ്‌മെന്റ് പ്രോജക്റ്റിന്റെ ഭാഗമായ ആറാമത്തെ പാലം 2027 ആദ്യ പാദത്തില്‍ പൂര്‍ത്തിയാകുമെന്ന് പ്രതീക്ഷിക്കുന്നു.

2028 അവസാനത്തോടെ ഒമ്പത് കാല്‍നട പാലങ്ങളുടെ നിര്‍മാണം ആരംഭിക്കുമെന്ന് ആര്‍.ടി.എ അറിയിച്ചു. ബിസിനസ് ബേയിലെ കൊക്കകോള അരീനയ്ക്ക് സമീപമുള്ള ക്രോസിംഗുകള്‍, ബുര്‍ജ് ഖലീഫയ്ക്ക് സമീപമുള്ള ശൈഖ് സായിദ് റോഡ്, അല്‍ അസാഈല്‍ സ്ട്രീറ്റിലെ ആറ് പാലങ്ങള്‍ എന്നിവയും ഇതില്‍ ഉള്‍പ്പെടുന്നു.

ALSO READ: ഖത്തര്‍ തനിച്ചല്ല; ഇസ്‌റാഈല്‍ ഭീകരതയ്‌ക്കെതിരേ ഒന്നിച്ച് അറബ് വിദേശകാര്യമന്ത്രിമാര്‍; നിര്‍ണായക അറബ് ലീഗ് - ഒഐസി ഉച്ചകോടി ഇന്ന്

Dubai has recorded a sharp decline in pedestrian fatalities and accidents, falling from 9.5 deaths per 100,000 people in 2007 to 0.3 deaths in 2024— a reduction of 97 per cent. This came as Dubai’s Roads and Transport Authority (RTA) announced the completion of new pedestrian and cyclist bridges and revealed plans to construct 23 more by the end of 2030.