കൊച്ചി: രാവിലെ കുറിച്ച റെക്കോര്‍ഡ് തകര്‍ത്ത് ഉച്ചക്ക് വീണ്ടും സ്വര്‍ണക്കുതിപ്പ്. വന്‍ കുതിച്ചു കയറ്റമാണ് ഉച്ചക്ക് ശേഷം സ്വര്‍ണത്തിനുണ്ടായിരിക്കുന്നത്. 360 രൂപയാണ് പവന് വര്‍ധിച്ചിരിക്കുന്നത്. 83,000 എന്ന റെക്കോര്‍ഡിലേക്ക് സ്വര്‍ണമെത്താന്‍ ഇനി 80 രൂപ കൂടി  മതി. രാജ്യാന്തര വില വീണ്ടും ഔണ്‍സിന് 3,700 ഡോളര്‍ ഭേദിച്ചിരിക്കുന്നു. 

ഗ്രാമിന് 40 രൂപയുടെ വര്‍ധനയാണ് രാവിലെ രേഖപ്പെടുത്തിയിരുന്നത്. ഉച്ചക്ക് ഗ്രാമിന് 45 രൂപ കൂടി വര്‍ധിച്ച് വില 10,365 രൂപയായി. പവന് 360 രൂപ മുന്നേറി 82,920 രൂപയുമെത്തി. ഇക്കഴിഞ്ഞ ശനിയാഴ്ച രേഖപ്പെടുത്തിയ ഗ്രാമിന് 10,280 രൂപയും പവന് 82,240 രൂപയുമെന്ന റെക്കോര്‍ഡ് തകര്‍ത്താണ് ഇന്ന് പുതിയ മുന്നേറ്റം.

ജി.എസ്.ടിയും പണിക്കൂലിയും ചേര്‍ന്ന് ഒരു പവന്‍ സ്വര്‍ണം വാങ്ങാന്‍ 90,000 രൂപയുടെ അടുത്ത് വേണ്ടി വരുമെന്ന് വ്യാപാരികള്‍ പറയുന്നു. 3% ജി.എസ്.ടി, 53.10 രൂപ ഹോള്‍മാര്‍ക്ക് ഫീസ്, കുറഞ്ഞത് 5% പണിക്കൂലി എന്നിവ കണക്കാക്കിയാല്‍ ഇന്നൊരു പവന്‍ ആഭരണത്തിന് 89,400 ഓലം രൂപ വരും. രാജ്യാന്തര വില കഴിഞ്ഞവാരം കുറിച്ച ഔണ്‍സിന് 3,704 ഡോളര്‍ എന്ന റെക്കോര്‍ഡും ഭേദിച്ച് ഇപ്പോള്‍ സര്‍വകാല ഉയരമായ 3,722 ഡോളറിലെത്തിയിട്ടുണ്ട്. 

കേരളത്തില്‍ ചില ജ്വല്ലറികളില്‍ 18 കാരറ്റ് സ്വര്‍ണവില ഗ്രാമിന് ഉച്ചക്ക് 35 രൂപ കൂടി വര്‍ധിച്ച് 8,585 രൂപയായിട്ടുണ്ട്. വെള്ളിവിലയില്‍ മാറ്റമില്ല; ഗ്രാമിന് 144. മറ്റ് ചില ജ്വല്ലറികള്‍ 18 കാരറ്റിന് ഈടാക്കുന്നത് ഗ്രാമിന് ഉച്ചക്ക് 40 രൂപ ഉയര്‍ത്തി 8,520 രൂപയാണ്; വെള്ളിക്ക് 140 രൂപയും.

ഈയാഴ്ച യു.എസ് ഫെഡറല്‍ റിസര്‍വ് പലിശനിരക്ക് കുറക്കുന്നത് സംബന്ധിച്ച് കൂടുതല്‍ ചര്‍ച്ചകള്‍ ഉണ്ടായേക്കും. ഇത് വരും ദിവസങ്ങളില്‍ സ്വര്‍ണവിലയെ സ്വാധീനിക്കും.

ALSO READ: ഇന്ത്യ - ഒമാന്‍ സ്വതന്ത്രവ്യാപാര കരാര്‍ അന്തിമഘട്ടത്തില്‍; യുഎഇക്ക് പിന്നാലെ ഒമാനുമായുമുള്ള കരാര്‍ ഉടന്‍

രാവിലത്തെ  വില ഇങ്ങനെ 
24 കാരറ്റ്
ഗ്രാമിന് 43 രൂപ കൂടി 11,258
പവന് 344 രൂപ കൂടി 90,064

22 കാരറ്റ്
ഗ്രാമിന് 40 രൂപ കൂടി 10,320
പവന് 320 രൂപ കൂടി 82,560

18 കാരറ്റ്
ഗ്രാമിന് 33 രൂപ കൂടി 8,444
പവന് 264 രൂപ കൂടി 67,552

gold prices surged again after a brief correction earlier today, nearing a new all-time high. current rates are just ₹80 away from the ₹83,000 per 10 grams mark in india.