ന്യൂയോര്‍ക്ക്: റഷ്യയുടെ യുക്രൈന്‍ യുദ്ധത്തിന് ഇന്ത്യ പിന്തുണ നല്‍കുന്നുണ്ടെന്ന ആരോപണം യുഎന്‍ പൊതുസഭയിലും ആവര്‍ത്തിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. യുദ്ധം അവസാനിപ്പിച്ചെങ്കില്‍ റഷ്യല്‍ മേല്‍ ഇനിയും ഉപരോധം ഏര്‍പ്പെടുത്തുമെന്നും, യൂറോപ്യന്‍ രാജ്യങ്ങളും റഷ്യയെ ഉപരോധിക്കണന്നെും ട്രംപ് ആവശ്യപ്പെട്ടു. 

ഇന്ത്യയും, ചൈനയും റഷ്യയുടെ യുക്രൈന്‍ യുദ്ധത്തിന് പിന്തുണ നല്‍കുകയാണ്. പലസ്തീനെ സ്വതന്ത്ര രാജ്യമായി അമേരിക്ക അംഗീകരിക്കില്ല. പലസ്തീനെ അംഗീകരിച്ച പാശ്ചാത്യരാജ്യങ്ങളുടെ തീരുമാനം ഹമാസിന്റെ ആക്രമണങ്ങള്‍ക്കുള്ള അംഗീകാരമാണെന്നും, നിലപാടിനെ ശക്തമായി അപലപിക്കുന്നതായും ട്രംപ് പറഞ്ഞു. 

മാത്രമല്ല രണ്ടാം തവണയും അധികാരത്തില്‍ എത്തിയതിന് ശേഷം ഇന്ത്യ-പാക് യുദ്ധമുള്‍പ്പെടെ ഏഴുമാസത്തിനുള്ളില്‍ ഏഴ് യുദ്ധങ്ങള്‍ താന്‍ അവസാനിപ്പിച്ചെന്ന് ട്രംപ് അവകാശവാദമുയര്‍ത്തി. ഐക്യരാഷ്ട്ര സഭ അന്താരാഷ്ട്ര സംഘര്‍ഷങ്ങളില്‍ ഫലപ്രദമായി ഇടപെടുന്നില്ലെന്നും, യുന്‍ ചെയ്യേണ്ട കാര്യങ്ങള്‍ കൂടി താനാണ് ചെയ്യുന്നതെന്നു ട്രംപ് പറഞ്ഞു. ലോകരാജ്യങ്ങളുടെ നേതാക്കളുമായി നിരന്തരം ചര്‍ച്ചകള്‍ നടത്തിയപ്പോള്‍ യുഎന്നിന്റെ ഭാഗത്ത് നിന്ന് ഒരു ഫോണ്‍ കോള്‍ പോലും ലഭിച്ചില്ലെന്നും ട്രംപ് കുറ്റപ്പെടുത്തി. അതുകൊണ്ട് തന്നെ സമാധാനത്തിനുള്ള നൊബേല്‍ സമ്മാനം നേടാന്‍ ഏറ്റവും അര്‍ഹന്‍ താനാണെന്നും ട്രംപ് സഭയില്‍ ആവര്‍ത്തിച്ചു. 

ALSO READ: പാശ്ചാത്യ രാജ്യങ്ങൾ ഫലസ്തീനെ അം​ഗീകരിക്കുന്നതിൽ വിറളി പൂണ്ട് ഇസ്റാഈൽ; വെസ്റ്റ് ബാങ്കിനെ ജോർദാനുമായി ബന്ധിപ്പിക്കുന്ന അലൻബി പാലം അടച്ചിടും

Donald Trump claimed at the UN General Assembly that he ended seven wars, including the India-Pakistan conflict. He also asserted that he deserves the Nobel Peace Prize for these efforts.