സുൽത്താൻ ബത്തേരി: വയനാട്ടിലെ ബ്രഹ്മഗിരി ഡെവലപ്പ്മെന്റ് സൊസൈറ്റി തട്ടിപ്പ് കേസിൽ നിർണായക ഉത്തരവുമായി കോടതി. പണം നിക്ഷേപിച്ച് വഞ്ചിക്കപ്പെട്ട മൂന്ന് പേർക്ക് പലിശ സഹിതം തുക തിരികെ നൽകണമെന്നാണ് ബത്തേരി സിവിൽ കോടതി ഉത്തരവിട്ടത്. കോടതി നടപടികൾക്കായി നിക്ഷേപകർ ചെലവഴിച്ച തുകയും നൽകണമെന്ന് കോടതി നിർദേശിച്ചു. 50 ലക്ഷം രൂപ വരെ നിക്ഷേപിച്ച ഒരു സർക്കാർ ഉദ്യോഗസ്ഥനുൾപ്പെടെയുള്ളവർക്ക് ഉത്തരവോടെ പണം തിരികെ ലഭിക്കും. കഴിഞ്ഞ വർഷമാണ് നിക്ഷേപകർ കോടതിയിൽ ഹരജി സമർപ്പിച്ചത്. കഴിഞ്ഞ ദിവസങ്ങളിലാണ് ഹരജിക്കാർക്ക് ഉത്തരവിന്റെ വിധിപ്പകർപ്പ് ലഭിക്കുന്നത്.

അതേസമയം സിപിഎം നിയന്ത്രണത്തിലുള്ള ബ്രഹ്മഗിരി ചാരിറ്റബിൾ സൊസൈറ്റിയിൽ ഗുരുതരമായ ക്രമക്കേടുകളാണ് നടന്നത് എന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. ഗുരുതരമായ തട്ടിപ്പുകളാണ് ബ്രഹ്മഗിരിയിൽ നടന്നത്. ശബരിമലയിലായാലും ബ്രഹ്മഗിരിയിലായാലും സിപിഎം നേതാക്കൾ തട്ടിപ്പുകൾക്ക് കൂട്ടുനിൽക്കുന്നത് കാണാം എന്നും സതീശൻ കുറ്റപ്പെടുത്തി.

ALSO READ: ഗർഭിണിയായിരിക്കെ തുടങ്ങിയ പാലം പണി മകന് എട്ട് വയസ്സായിട്ടും പൂർത്തിയായില്ല; അല്പം കാത്തിരിക്കൂ നിങ്ങളുടെ മകൻ വളർന്ന് എഞ്ചിനീയറായി പണി പൂർത്തിയാക്കിയേക്കാം: യുവതിയുടെ കുറിപ്പ് വൈറൽ 

സൊസൈറ്റിയിൽ നിന്ന് 200 മുതൽ 400 കോടി രൂപ വരെയാണ് സിപിഎം നേതാക്കൾ തട്ടിയെടുത്തുവെന്നാണ് ആരോപണം. നിരവധി നിക്ഷേപകർ ആത്മഹത്യയുടെ വക്കിലാണെന്നും, പെൻഷൻ പണം നഷ്ടപ്പെട്ടവരുടെ ദുരവസ്ഥ പരിഗണിക്കണമെന്നും അഭിപ്രായം ഉയർന്നിരുന്നു. സഹകരണ രജിസ്ട്രാറുടെ അനുമതി കൂടാതെ സിപിഎം നിയന്ത്രിത സഹകരണ സംഘങ്ങൾ കോടികൾ നിക്ഷേപിച്ചതായി വിവരാവകാശ രേഖകളും വെളിപ്പെടുത്തുന്നു.

എന്നാൽ കോടതി ഉത്തരവ് വന്ന് കഴിഞ്ഞിട്ടും പണം തിരികെ നൽകാത്തതിനെതിരെ നിക്ഷേപകർ കടുത്ത സമരത്തിലേക്ക് നീങ്ങുകയാണ്. ബ്രഹ്മഗിരി ആസ്ഥാനത്ത് മാർച്ചും ധർണയും നടത്തുമെന്നും  നിക്ഷേപകർ പറയുന്നു. സംഭവത്തിൽ പൊലിസ് ഇതുവരെ കേസെടുക്കാത്തത് സിപിഎം നേതാക്കളെ രക്ഷിക്കാനുള്ള ശ്രമമാണോയെന്ന ചോദ്യവും ഉയരുന്നു.

അതേസമയം, ബ്രഹ്മഗിരി സൊസൈറ്റി തട്ടിപ്പ് ആരോപണങ്ങളെല്ലാം നിഷേധിച്ചു. അഴിമതി നടന്നിട്ടില്ലെന്നും, പ്രവർത്തന മൂലധനക്കുറവും അറവുമാടുകളുടെ ലഭ്യതക്കുറവുമാണ് തകർച്ചയ്ക്ക് കാരണമെന്നുമാണ് സൊസൈറ്റിയുടെ വിശദീകരണം.

The Bathery Civil Court has ordered Brahmagiri Development Society to refund the principal amount with interest to three defrauded investors, including a government official who lost up to ₹50 lakh. The court also mandated covering legal expenses.