കാസര്‍കോട്: കാസര്‍കോട് ബേത്തൂര്‍പാറയില്‍ കിടപ്പുമുറിയില്‍ ആത്മഹത്യയ്ക്ക് ശ്രമിച്ച പെണ്‍കുട്ടിയുമായി പോകുകയായിരുന്ന കാര്‍ മറിഞ്ഞ് അപകടം. പെണ്‍കുട്ടി മരിച്ചു. അമ്മയ്ക്കും സഹോദരനും പരുക്കേറ്റു. 

അപകടത്തില്‍പ്പെട്ടവരെ ഉടന്‍ തന്നെ നാട്ടുകാര്‍ ആശുപത്രിയില്‍ എത്തിച്ചെങ്കിലും പെണ്‍കുട്ടിയുടെ ജീവന്‍ രക്ഷിക്കാനായില്ല.ബേത്തൂര്‍പാറ തച്ചാര്‍കുണ്ട് വീട്ടില്‍ പരേതനായ ബാബുവിന്റെ മകള്‍ മഹിമയാണ് (20) മരിച്ചത്. 

ഇന്ന് രാവിലെ 8 മണിയോടെയാണ് കിടപ്പുമുറിയില്‍ തൂങ്ങിയ നിലയില്‍ മഹിമയെ കണ്ടത്. അമ്മ വനജയും സഹോദരന്‍ മഹേഷും ചേര്‍ന്ന് മഹിമയെ ആശുപത്രിയിലേക്ക് കൊണ്ടുപോകുന്നതിനിടെയാണ് അപകടം. കാര്‍ പടിമരുതില്‍ വച്ച് അപകടത്തില്‍പ്പെടുകയായിരുന്നു. കാസര്‍കോട്ടെ നുള്ളിപ്പാടിയില്‍ നഴ്സിങ് വിദ്യാര്‍ഥിനിയായിരുന്നു മഹിമ.

ആത്മഹത്യക്ക് ശ്രമിച്ചതാണോ കാര്‍ അപകടമാണോ മഹിമയുടെ മരണകാരണം എന്ന് വ്യക്തമല്ല. മഹിമയെ ആശുപത്രിയിലേക്ക് കൊണ്ടുപോകുമ്പോള്‍ ജീവനുണ്ടായിരുന്നു എന്നാണ് ലഭിക്കുന്ന വിവരം. ബേഡകം പൊലിസ് അന്വേഷണം ആരംഭിച്ചു.

Mahima (20), a nursing student from Kasaragod, died after a car crash while being taken to hospital following a suicide attempt. Her mother and brother were injured. Police are investigating whether the death was due to the attempt or the accident.