ഭോപ്പാൽ: പെൺകുട്ടികൾ വസ്ത്രം മാറുന്ന ദൃശ്യങ്ങൾ പകർത്തിയ എബിവിപി നേതാക്കൾ പിടിയിൽ. മന്ദസോർ ജില്ലയിലെ ഭാൻപുര സർക്കാർ കോളജിൽ യൂത്ത്‌ഫെസ്റ്റിവലിന് എത്തിയ പെൺകുട്ടികളുടെ ദൃശ്യങ്ങൾ വെന്റിലേറ്ററിലൂടെയാണ് പ്രതികൾ പകർത്തിയത്. എബിവിപി സിറ്റി സെക്രട്ടറി ഉമേഷ് ജോഷി (22), സിറ്റി കോ കൺവീനർ അജയ് ഗൗഡ്(21), കോ കോളജ് മേധാവി ഹിമാൻഷു ബൈരാഗി(20) എന്നിവരാണ് അറസ്റ്റിലായത്. ഒരാൾ ഒളിവിലാണ്. പ്രതികൾ വീഡിയോ പകർത്തുന്ന ദൃശ്യങ്ങൾ പുറത്തുവന്നു. 

സംഭവ ദിവസം വീഡിയോ പകർത്തിയെന്ന് സംശയിച്ച പെൺകുട്ടികൾ ആക്ടിങ് പ്രിൻസിപ്പൽ ഡോ. പ്രീതി പഞ്ചോലിക്ക് നൽകിയ പരാതിയുടെ അടിസ്ഥാനത്തിൽ സിസിടിവി ദൃശ്യങ്ങൾ നിരീക്ഷിച്ച് നടത്തിയ അന്വേഷണത്തിലാണ് പ്രതികൾ അറസ്റ്റിലായത്. പ്രതികളെ ഗരോത് സബ് ജയിലിലേക്ക് റിമാൻഡ് ചെയ്തു. വീഡിയോകൾ സോഷ്യൽ മീഡിയയിൽ എത്തിയാൽ പെൺകുട്ടികളുടെ ജീവിതത്തെ ബാധിക്കുമെന്ന് പോലിസ് ഉദ്യോഗസ്ഥർ ആശങ്കപ്പെട്ടു. 

സംഭവത്തിൽ പ്രതിഷേധവുമായി കോൺഗ്രസിന്റെ വിദ്യാർഥി സംഘടനയായ എൻഎസ്‌യുഐ രം​ഗത്തെത്തി. പവിത്രമായ വിദ്യാലയത്തിൽ എബിവിപിക്കാർ നടത്തിയ പ്രവൃത്തി അപലപനീയമാണെന്ന് ജില്ലാ പ്രസിഡന്റ് റിതിക് പട്ടേൽ പറഞ്ഞു.

ALSO READ: ഷാർജ ഇൻഡസ്ട്രിയൽ ഏരിയയിൽ തീപിടുത്തം; തീയണക്കാനുള്ള ശ്രമങ്ങൾ തുടരുന്നു 

ABVP leaders were arrested for secretly filming girls changing clothes through a ventilator during a youth festival at a government college in Mandsaur. Three were held, and one is absconding.