തിരുവനന്തപുരം: അമ്പൂരിയിൽ കൂൺ കഴിച്ചതിനെ തുടർന്ന് ഒരു കുടുംബത്തിലെ ആറുപേർക്ക് ദേഹാസ്വാസ്ഥ്യമുണ്ടായി. ഇവരെ കാരക്കോണം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ആറുപേരിൽ മൂന്നുപേരുടെ നില ഗുരുതരമാണെന്നാണ് വിവരം.

അമ്പൂരി സെറ്റിൽമെന്റിൽ കാരിക്കുഴി സ്വദേശി മോഹനൻ കാണി, ഭാര്യ സാവിത്രി, മകൻ അരുൺ, അരുണിന്റെ ഭാര്യ സുമ, മക്കളായ അഭിജിത്ത്, അനശ്വര എന്നിവരാണ് ആശുപത്രിയിൽ ചികിത്സയിലുള്ളത്. വീടിനു സമീപത്തെ പറമ്പിൽ നിന്നും ശേഖരിച്ച കൂണ് ഇവർ പാചകം ചെയ്ത് ഭക്ഷിച്ചിരുന്നു. കഴിച്ചതിന് പിന്നാലെ ഛർദ്ദി, വയറുവേദന തുടങ്ങിയ ലക്ഷണങ്ങൾ പ്രകടമായതോടെയാണ് ഇവരെ ആശുപത്രിയിലെത്തിച്ചത്.

ALSO READ: നിങ്ങൾ താഴ്ന്ന ജാതിക്കാർ വില കൂടിയ ബൈക്ക് ഒന്നും ഓടിക്കരുത്; തമിഴ്നാട്ടിൽ ദളിത് യുവാവിന് നേരെ ക്രൂര ആക്രമണം; ആറുപേർ അറസ്റ്റിൽ 

മോഹൻ, സാവിത്രി, അരുൺ എന്നിവരുടെ നില ഗുരുതരമായി തുടരുകയാണ്. അഭിജിത്തിനെ ഐസിയുവിൽ പ്രവേശിപ്പിച്ചു. മറ്റു രണ്ടുപേരുടെ ആരോഗ്യനില തൃപ്തികരമാണെന്നാണ് ആശുപത്രി അധികൃതർ അറിയിച്ചത്. സംഭവത്തെക്കുറിച്ച് പൊലിസ് അന്വേഷണം ആരംഭിച്ചു.

In Thiruvananthapuram, six family members were hospitalized after consuming poisonous mushrooms from their backyard. Three of them, Mohan, Savithri, and Arun, are in critical condition, with Abhijith in the ICU. The other two are stable. Police are investigating the incident. six family members fall ill after eating mushrooms in thiruvananthapuram; three in critical condition