പട്ടാമ്പി: ഞായറാഴ്ച വൈകുന്നേരം മൂന്നിന് നടക്കുന്ന ഗണേശോത്സ ഘോഷയാത്ര നടക്കുന്നതിനാല്‍ പട്ടാമ്പി ടൗണില്‍ ട്രാഫിക് ക്രമീകണം ഉണ്ടായിരിക്കുന്നതാണന്ന് പൊലിസ് അറിയിച്ചു. പെരിന്തല്‍മണ്ണ-വളാഞ്ചേരി ഭാഗത്ത് നിന്നും ഒറ്റപ്പാലം, ഷൊര്‍ണ്ണൂര്‍ ഭാഗത്തേക്ക് പോകേണ്ട വാഹനങ്ങള്‍ കൊപ്പം മുളയങ്കാവ്-വല്ലപ്പുഴ വഴിയും പെരിന്തല്‍മണ്ണ-വളാഞ്ചേരി ഭാഗത്ത് നിന്നും ഗുരുവായൂര്‍ ഭാഗത്തേക്ക് പോകേണ്ട വാഹനങ്ങള്‍ തൃത്താലകൊപ്പം ജങ്ഷനില്‍ നിന്നും മുതുതല പാലത്തറ ഗെയ്റ്റ് വെള്ളിയാകല്ല് വഴി പോകണം. ഒറ്റപ്പാലം ഭാഗത്ത് നിന്നും കുന്നംകുളം, ഗുരുവായൂര്‍ ഭാഗത്തേക്ക് പോകുന്ന വാഹനങ്ങള്‍ കുളപ്പുള്ളിയില്‍ നിന്നും ഇടത്തോട്ട് തിരിഞ്ഞ് പോകണം. കുന്നംകുളം ഭാഗത്തു നിന്നും ഒറ്റപ്പാലം ഭാഗത്തേക്ക് പോകുന്ന വാഹനങ്ങള്‍ കൂട്ടുപാതയില്‍ നിന്നും തിരിഞ്ഞ് കുളപ്പുള്ളി വഴി പോവണമെന്നും ഒറ്റപ്പാലം ഭാഗത്ത് നിന്നും പെരിന്തല്‍മണ്ണ വളാഞ്ചേരി ഭാഗത്തേക്ക് പോകേണ്ട വാഹനങ്ങള്‍ ചെര്‍പ്പുളശ്ശേരി റോഡ് ജങ്ഷനില്‍ നിന്നും വലത്തോട്ട് തിരിഞ്ഞ് കൂമ്പന്‍കല്ല് വഴിയും പോകണമെന്നും പൊലിസ് അറിയിച്ചു.