ദുബൈ: ദുബൈയിലെത്തുന്ന വിനോദസഞ്ചാരികളുടെ പാസ്പോർട്ടിൽ പ്രത്യേക സ്റ്റാമ്പ് പതിപ്പിച്ച് ദുബൈ റെസിഡൻസി ആൻഡ് ഫോറിനേഴ്‌സ് അഫയേഴ്‌സ് ജനറൽ ഡയറക്ടറേറ്റ് (GDRFA). ദുബൈ ഫിറ്റ്‌നസ് ചലഞ്ചിന്റെ ഭാഗമായാണ് സന്ദർശകരെ പാസ്പോർട്ടിൽ പ്രത്യേക സ്റ്റാമ്പ് പതിപ്പിച്ച് സ്വാ​ഗതം ചെയ്യുന്നത്. ദുബൈ ഇന്റർനാഷണൽ എയർപോർട്ടിലെത്തുന്ന സന്ദർശകരുടെ പാസ്‌പോർട്ടിലാണ് ഈ സ്റ്റാമ്പ് പതിപ്പിക്കുന്നത്.

2025 നവംബർ 1-ന്  ദുബൈ ഫിറ്റ്‌നസ് ചലഞ്ചിന്റെ ഒമ്പതാമത് പതിപ്പ് ആരംഭിച്ച സാഹചര്യത്തിലാണ് ഈ നീക്കം. ബുധനാഴ്ച (6/11/2025) ദുബൈ മീഡിയ ഓഫിസാണ് ഇക്കാര്യം അറിയിച്ചത്.

ALSO READ: സംയുക്ത സാമ്പത്തിക സഹകരണം ശക്തിപ്പെടുത്താന്‍ ഒമാനും സ്‌പെയിനും ധാരണയായി

'ദുബൈ ഫിറ്റ്നസ് ചലഞ്ച്' എന്ന വാചകവും, 'ദിവസവും 30 മിനിറ്റ് വ്യായാമം 30 ദിവസത്തേക്ക്' എന്നതിനെ സൂചിപ്പിക്കുന്ന '30x30' എന്ന മുദ്രയും ഈ പ്രത്യേക പാസ്‌പോർട്ട് സ്റ്റാമ്പിൽ ഉൾപ്പെടുന്നു.

ഈ ഒരു മാസക്കാലം ദുബൈ നഗരത്തിന്റെ പല ഭാഗങ്ങളിലായി നിരവധി ഫിറ്റ്‌നസ് പരിപാടികളും വർക്ക്‌ഔട്ടുകളും നടക്കും. ദുബൈ ഫിറ്റ്‌നസ് ചലഞ്ച് നവംബർ 30 വരെ നീണ്ടുനിൽക്കും.

The General Directorate of Residency and Foreigners Affairs (GDRFA) in Dubai has launched a unique initiative to welcome tourists arriving in the city. As part of the Dubai Fitness Challenge 30×30, visitors are receiving a special passport stamp featuring the challenge's logo, symbolizing Dubai's commitment to promoting health, wellness, and active living.