കോഴിക്കോട്: താമരശ്ശേരി ചുരത്തില്‍ ഇന്നും ഗതാഗതക്കുരുക്ക്. ചുരം ആറാം വളവിലാണ് വീണ്ടും ലോറി കുടുങ്ങിയിരിക്കുന്നത്. ഇതിനെ തുടര്‍ന്നാണ് ചുരത്തില്‍ ഗതാഗതക്കുരുക്ക് ഉണ്ടായിരിക്കുന്നത്. യന്ത്രത്തകരാറിനെ തുടര്‍ന്ന് പുലര്‍ച്ചെ രണ്ടു മണിയോടെയാണ് ലോറി കുടുങ്ങിയത്. ഇതോടെ ഗതാഗതക്കുരുക്ക് രൂക്ഷമാവുകയായിരുന്നു.

കഴിഞ്ഞ ദിവസങ്ങളിലും ആറ്, ഏഴ് വളവുകളില്‍ ലോറികള്‍ കുടുങ്ങിയിരുന്നു. ഒരാഴ്ച്ചക്കിടെ മൂന്നാം തവണയാണ് ലോറി കുടുങ്ങി ഗതാഗതക്കുരുക്കുണ്ടായത്. നിലവില്‍ ലോറി സ്ഥലത്ത് നിന്ന് മാറ്റാന്‍ കഴിഞ്ഞിട്ടില്ല. ചുരം സംരക്ഷണ സമിതി അംഗങ്ങളും ഹൈവേ പൊലിസും സ്ഥലത്തെത്തിയിട്ടുണ്ട്. ഒരു ഭാഗത്ത് കൂടെ വാഹനങ്ങള്‍ കടത്തിവിടുന്നുണ്ട്. വാഹനങ്ങള്‍ കൂടുതല്‍ എത്തിത്തുടങ്ങിയതോടെ ഗതാഗതക്കുരുക്ക് രൂക്ഷമാവാനാണ് സാധ്യത.

A traffic jam has occurred again at the Thamarassery Ghat in Kozhikode after a lorry got stuck at the sixth hairpin bend early in the morning around 2 AM due to a mechanical failure. This has led to severe traffic congestion in the area. Similar incidents had occurred at the sixth and seventh bends in recent days — this is the third time within a week that a lorry has caused such a blockage.