കട്ടപ്പന: കട്ടപ്പനയിൽ ഒന്നര കിലോ കഞ്ചാവുമായി ഡെലിവറി ബോയിയെ എക്സൈസ് പിടികടി. തൃശൂർ മുല്ലക്കര സ്വദേശിയായ ശ്രീജിത്ത് (22) ആണ് പിടിയിലായത്. ഓൺലൈൻ ഡെലിവറിയുടെ മറവിൽ ഇയാൾ വിദ്യാർഥികൾക്കും യുവാക്കൾക്കും കഞ്ചാവ് എത്തിച്ചു നൽകിയിരുന്നതായി എക്സൈസ് വ്യക്തമാക്കി. ഇയാളിൽ നിന്ന് കഞ്ചാവ് തൂക്കി പായ്ക്കറ്റുകളാക്കാൻ ഉപയോഗിച്ചിരുന്ന ത്രാസും, ലഹരിക്കടത്തിനായി ഉപയോഗിച്ച ബൈക്കും ഉദ്യോഗസ്ഥർ പിടിച്ചെടുത്തിട്ടുണ്ട്.

ALSO READ: കോളേജ് ബസും സ്വകാര്യ ബസും കൂട്ടിയിടിച്ചു; നാല് വിദ്യാർഥികൾക്കും കോളേജ് ബസ് ഡ്രൈവർക്കും പരുക്ക്

അതേസമയം, പത്തനംതിട്ട കുമ്പനാട് ഭാഗത്ത് ലഹരിമരുന്നുമായി മറ്റൊരു യുവാവ് പിടിയിലായി. കുമ്പനാട് സ്വദേശിയായ ജേക്കബ് ഫിലിപ്പിനെയാണ് (23) എക്സൈസ് സ്പെഷ്യൽ സ്ക്വാഡ് പിടികൂടിയത്. ഇയാളിൽ നിന്ന് രണ്ട് ഗ്രാം എം.ഡി.എം.എയും രണ്ട് ഗ്രാം കഞ്ചാവും പിടിച്ചെടുത്തു. പത്തനംതിട്ട എക്സൈസ് സ്പെഷ്യൽ സ്‌ക്വാഡ് സർക്കിൾ ഇൻസ്പെക്ടർ എം.ഓ.വിനോദ്, എക്സൈസ് ഇൻസ്പെക്ടർ അജികുമാർ എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.

Excise officials have arrested a delivery boy, Sreejith (22), with 1.5 kg of cannabis in Kattappana. He was supplying the contraband to students and youth through online delivery, using a bike and weighing scale seized by the authorities.