തിരുവനന്തപുരം: സി.പി.എമ്മുമായി അകന്നതിന് പിന്നാലെ കെ.ടി.ഡി.സി ചെയര്‍മാന്‍ സ്ഥാനത്ത് നിന്ന് രാജിവച്ച പി.കെ ശശി. ശശിയെ പദവിയില്‍ നിന്ന് നീക്കണമെന്ന് സി.പി.എം പാലക്കാട് ജില്ലാ നേതൃത്വം ആവശ്യപ്പെട്ടിരുന്നു. ഇതിന് പിന്നാലെയാണ് ശശിയുടെ രാജി. ഇതുമായി ബന്ധപ്പെട്ട വിശദീകരണത്തിനായി ശശി നാളെ മാധ്യമപ്രവര്‍ത്തകരെ കാണും. തെരഞ്ഞെടുപ്പ് മുന്നില്‍കണ്ടുള്ള നീക്കമാണ് ശശിയുടേതെന്നാണ് സൂചന. 

വ്യക്തിപരമായ കാരണങ്ങളാണ് രാജിയെന്നാണ് പി.കെ ശശി അറിയിച്ചത്. നേരത്തെ ഷൊര്‍ണൂര്‍ മുന്‍ എം.എല്‍.എ ആയിരുന്ന ശശിയെ സി.പി.എം ജില്ലാ കമ്മിറ്റിയില്‍ നിന്ന് ബ്രാഞ്ചിലേക്ക് തരംതാഴ്ത്തിയിരുന്നു. 

ALSO READ: അഖില്‍ മാരാര്‍ ട്വന്റി20 യില്‍; കൊട്ടാരക്കരയില്‍ എന്‍.ഡി.എ സ്ഥാനാര്‍ഥിയായേക്കും

യു.ഡി.എഫിലേക്ക് പോകുമെന്ന അഭ്യൂഹങ്ങള്‍ക്കിടെയാണ് ശശി കെ.ടി.ഡി.സി ചെയര്‍മാന്‍ സ്ഥാനത്ത് നിന്ന് രാജിവെച്ചത്.

സംസ്ഥാന സെക്രട്ടറി എം.വി ഗോവിന്ദന്‍ നയിക്കുന്ന വികസന മുന്നേറ്റ ജാഥ വീടിന് മുന്നിലൂടെ കടന്നുപോയിട്ടും സ്വീകരണത്തില്‍ നിന്നും പി.കെ ശശി വിട്ടുനിന്നിരുന്നു. ആരോഗ്യപ്രശ്‌നങ്ങളാലാണ് എല്‍.ഡി.എഫ് ജാഥയില്‍ നിന്നും വിട്ടുനിന്നതെന്നാണ് ശശി പറഞ്ഞിരുന്നത്. 

ഒറ്റപ്പാലത്ത് യു.ഡി.എഫ് സ്വതന്ത്ര സ്ഥാനാര്‍ഥിയായി  ശശി എത്തുമെന്ന് അഭ്യൂഹങ്ങളുണ്ട്.

P. K. Sasi has resigned from the post of Chairman of Kerala Tourism Development Corporation (KTDC), following growing differences with the Communist Party of India (Marxist) (CPIM). The resignation comes after the CPIM’s Palakkad district leadership reportedly demanded his removal from the position.