ചെന്നൈ: ഗവർണർ നിയമനത്തിൽ കാതലായ മാറ്റങ്ങൾ നിർദേശിച്ച് ജസ്റ്റിസ് കുര്യൻ ജോസഫ് സമിതിയുടെ റിപ്പോർട്ട്. തമിഴ്നാട് നിയമസഭയിൽ സമർപ്പിച്ച റിപ്പോർട്ടിലാണ് ഈ നിർദേശങ്ങളുള്ളത്. 

ഗവർണറെ കേന്ദ്രസർക്കാർ നേരിട്ട് നിശ്ചയിക്കുന്നതിന് പകരം, സംസ്ഥാന സർക്കാർ നൽകുന്ന പട്ടികയിൽ നിന്നായിരിക്കണം നിയമനം നടത്തേണ്ടത്. നിയമസഭ നിർദേശിക്കുന്ന മൂന്ന് പേരുടെ പട്ടികയിൽ നിന്ന് ഒരാളെ രാഷ്ട്രപതി ഗവർണറായി നിയമിക്കണം. ഗവർണറുടെ കാലാവധി അഞ്ച് വർഷമായി നിജപ്പെടുത്തണം. ഒരാൾക്ക് ഒരു ടേം മാത്രമേ നൽകാവൂ.

ALSO READ: 'ഇറാന്‍ ബുദ്ധിപൂര്‍വ്വം തീരുമാനമെടുക്കണം, ഇല്ലെങ്കില്‍...' ഭീഷണിയുമായി വീണ്ടും യു.എസ്; നീക്കം റഷ്യയുമായി സംയുക്ത നാവിക അഭ്യാസം പ്രഖ്യാപിച്ചതിന് പിന്നാലെ

ഗവർണർ പദവിയിൽ നിന്ന് വിരമിച്ച ശേഷം രാഷ്ട്രപതി, ഉപരാഷ്ട്രപതി ഒഴികെയുള്ള മറ്റ് ഭരണഘടനാ പദവികളിലേക്ക് ഇവരെ പരിഗണിക്കരുത്. കൂടാതെ, നിയമസഭയിലെ ഗവർണറുടെ നയപ്രഖ്യാപന പ്രസംഗം ഒഴിവാക്കണമെന്നും സമിതി ശുപാർശ ചെയ്യുന്നു.

ഗവർണർമാരും സംസ്ഥാന സർക്കാരുകളും തമ്മിലുള്ള തർക്കങ്ങൾ പല സംസ്ഥാനങ്ങളിലും പതിവായ പശ്ചാത്തലത്തിലാണ് ഈ പരിഷ്കാരങ്ങൾ നിർദേശിക്കപ്പെട്ടിരിക്കുന്നത്.

The Justice Kurian Joseph Committee has submitted a report to the Tamil Nadu government, recommending significant changes in the appointment of Governors. The report suggests that Governors should be selected from a list provided by the states and should serve only one term of five years. Additionally, it recommends that Governors should not hold any constitutional position, except for the President and Vice-President, after completing their term