അബൂദബി: ഇന്ന് യുഎഇ 54-ാമത് ദേശീയ ദിനം (ഈദ് അൽ ഇത്തിഹാദ്) ആഘോഷിക്കുകയാണ്. ഈ സാഹചര്യത്തിൽ രാജ്യത്തുടനീളം നിരവധി പരേഡുകൾ പ്രഖ്യാപിച്ചിട്ടുണ്ട്. ഈ പരിപാടികൾ വിവിധ രാജ്യക്കാർ ഒത്തുചേർന്ന് വർണ്ണാഭമായ പ്രകടനങ്ങളിലൂടെ ദേശീയ ഐക്യം ആഘോഷിക്കുന്ന ഒന്നാണ്.

റോഡ് അടച്ചിടലും മുന്നറിയിപ്പുകളും:

പരേഡുകൾ കടന്നുപോകുന്ന റോഡുകൾ സാധാരണയായി പരിപാടി നടക്കുന്ന സമയത്തേക്ക് അടച്ചിടും. അതാത് എമിറേറ്റുകളിലെ ഗതാഗത വകുപ്പുകൾ റോഡ് അടക്കുന്ന വിവരങ്ങൾ പൊതുജനങ്ങളെ കൃത്യമായി അറിയിക്കും.

ഷാർജ പൊലിസിന്റെ മുന്നറിയിപ്പ്:

ദേശീയ ദിനാഘോഷത്തിന്റെ ഭാ​ഗമായുള്ള പരേഡുകളിൽ വാഹനം ഓടിക്കുന്നതുമായി ബന്ധപ്പെട്ട് മുന്നറിയിപ്പ് നൽകിയിരിക്കുകയാണ് ഷാർജ പൊലിസ്. ഇന്നലെയാണ് ഷാർജ പൊലിസ് ഇതു സംബന്ധിച്ച മുന്നറിയിപ്പ് നൽകിയത്. 

ഇതനുസരിച്ച്, നിയമപരമായ പെർമിറ്റ് ഇല്ലാതെ പരേഡുകളിലോ കൂട്ടായ്മകളിലോ വാഹനമോടിക്കുന്നത് നിരോധിച്ചിട്ടുണ്ട്. 

നിശ്ചിത പെർമിറ്റ് ഇല്ലാതെ പരേഡുകളിൽ വാഹനം ഓടിക്കുന്നതും, തെറ്റായ സമയത്തോ സ്ഥലത്തോ വാഹനമോടിക്കുന്നതും ഗതാഗത നിയമലംഘനമായി കണക്കാക്കും.

നിയമലംഘകർക്കുള്ള ശിക്ഷകൾ:

ഈ നിയമം ലംഘിക്കുന്ന ഡ്രൈവർമാർക്ക് താഴെ പറയുന്ന ശിക്ഷകൾ ലഭിക്കാം.

1. 500 ദിർഹം പിഴ
2. ലൈസൻസിൽ നാല് ബ്ലാക്ക് പോയിന്റുകൾ
3. വാഹനം 15 ദിവസത്തേക്ക് പിടിച്ചെടുക്കൽ

ദുബൈ പൊലിസിന്റെ നിർദ്ദേശങ്ങൾ:

നേരത്തെ, ദേശീയ ദിനാഘോഷങ്ങളിൽ നിയമങ്ങൾ പാലിക്കാൻ ദുബൈ പൊലിസും പൊതുജനങ്ങളോട് ആവശ്യപ്പെട്ടിരുന്നു. അധികൃതർ നൽകിയ പ്രധാന നിർദ്ദേശങ്ങൾ ഇവയാണ്:

1. അനുമതിയില്ലാതെ പരേഡുകളിലും കൂട്ടായ്മകളിലും പങ്കെടുക്കാതിരിക്കുക.
2. യുഎഇ അല്ലാത്ത മറ്റൊരു രാജ്യത്തിന്റെയും പതാക ഉപയോ​ഗിക്കരുത്.
3. വിമാനത്താവളത്തിലേക്ക് യാത്ര ചെയ്യുന്നവർ തിരക്ക് ഒഴിവാക്കാൻ നേരത്തെ പുറപ്പെടുക.

The UAE is marking its 54th National Day with various parades and events across the country, showcasing national unity and pride, as citizens and residents come together to celebrate the nation's achievements and spirit.