കുവൈത്ത് സിറ്റി: കുവൈത്ത് കേരള ഇസ്‌ലാമിക് കൗൺസിൽ (കെ ഐ സി)സിൽവർ ജൂബിലി ആഘോഷങ്ങളുടെ ഭാഗമായ മെഗാ സർഗലയം'25 ഡിസംബർ 18,19 വ്യാഴം, വെള്ളി തിയ്യതികളിൽ അബ്ബാസിയ ഇൻ്റഗ്രേറ്റഡ് ഇന്ത്യൻ സ്കൂളിൽ വെച്ച് നടക്കും. സംഘടനയുടെ ഏഴ് മേഖലകളിൽ നടന്ന സർഗലയങ്ങളിലെ പ്രതിഭകളും സമസ്തയുടെ കുവൈത്തിലെ  മദ്റസകളിൽ നടന്ന ആവേശകരമായ ഫെസ്റ്റുകളിൽ മികവ് തെളിയിച്ച ജേതാക്കളുമടക്കം 300 ൽ പരം സർഗപ്രതിഭകൾ  60 ഓളം വരുന്ന വ്യത്യസ്ത ഇനങ്ങളിൽ മാറ്റുരയ്ക്കും. കലയുടെ കടലിരമ്പം എന്നതാണ് ഈ വർഷത്തെ സർഗലയ തീം. സമാപനത്തോടനുബന്ധിച്ച്‌ പ്രശസ്ത മാദിഹുകളായ സുഹൈൽ ഫൈസി കൂരാട്,ഖാജാ ഹുസൈൻ ദാരിമി വയനാട് എന്നിവർ നേതൃത്വം നൽകുന്ന "മെഹ്ഫിലെ ഇശ്ഖ്" ഇശൽ വിരുന്നും സംഘടിപ്പിച്ചിട്ടുണ്ട്. വാക്കും വരിയും വരയും വിരുന്നെത്തുന്ന മെഗാ സർഗലയത്തിന്റെ  വിജയത്തിനായി വിപുലമായ ഒരുക്കങ്ങൾ പൂർത്തിയായതായി സംഘാടക സമിതി അറിയിച്ചു.

Art and literature together: KIC Mega Sargalayam begins tomorrow

The Mega Sargalayam '25, part of the Silver Jubilee celebrations of the Kuwait Kerala Islamic Council (KIC), will be held at the Abbasiya Integrated Indian School on Thursday and Friday, December 18 and 19. More than 300 talented artists, including the talents of the Sargalayams held in the seven regions of the organization and the winners of the exciting fests held in the madrasas of Samastha in Kuwait, will compete in around 60 different categories.