മസ്‌കത്ത്: പ്രധാനമന്ത്രി നരേന്ദ്ര മോദിയുടെ ഔദ്യോഗിക ഒമാൻ സന്ദർശനത്തിനിടെ സോഷ്യൽ മീഡിയയിലുടനീളം ഉയർന്ന ഒരു ചോദ്യമായിരുന്നു അദ്ദേഹത്തിന്റെ വലതു ചെവിയിലെ ആ ചെറിയ ഉപകരണം എന്താണെന്നത്. മങ്ങിയ നിറത്തിൽ ഒരു കമ്മൽ പോലെ തോന്നിച്ച ഈ വസ്തു പ്രധാനമന്ത്രിയുടെ പുതിയ ഫാഷൻ സ്റ്റൈൽ ആണോ എന്ന തരത്തിൽ വലിയ രീതിയിലുള്ള ഊഹാപോഹങ്ങളാണ് പ്രചരിച്ചത്. 

വസ്ത്രധാരണത്തിൽ പുതുമകൾ കൊണ്ടുവരുന്ന മോദിയുടെ ഈ 'പുതിയ സ്റ്റൈൽ' നിമിഷങ്ങൾക്കകം വൈറലായെങ്കിലും, യഥാർത്ഥത്തിൽ അതൊരു ഫാഷൻ ആഭരണമല്ല എന്നതാണ് വാസ്തവം.

ഉയർന്ന തലത്തിലുള്ള നയതന്ത്ര ചർച്ചകളിൽ തത്സമയ വിവർത്തനത്തിനായി (Real-time Translation) ഉപയോഗിക്കുന്ന അത്യാധുനിക ഉപകരണമായിരുന്നു അത്. ഒമാൻ ഉപപ്രധാനമന്ത്രി സയ്യിദ് ഷിഹാബ് ബിൻ താരിഖ് അൽ സഈദുമായി വിമാനത്താവളത്തിൽ വെച്ച് കൂടിക്കാഴ്ച നടത്തുമ്പോഴാണ് പ്രധാനമന്ത്രി ഈ ഉപകരണം ധരിച്ചിരുന്നത്. 

ALSO READ: മോദിക്ക് 'ഓർഡർ ഓഫ് ഒമാൻ ബഹുമതി നൽകി ഒമാൻ

അറബി ഭാഷ സംസാരിക്കുന്ന ഒമാൻ പ്രതിനിധികളുടെ വാക്കുകൾ അപ്പപ്പോൾ തന്നെ വിവർത്തനം ചെയ്ത് കേൾക്കാൻ ഈ സാങ്കേതികവിദ്യ മോദിയെ സഹായിച്ചു. ഭാഷാപരമായ തടസ്സങ്ങളില്ലാതെ ആശയവിനിമയം കൂടുതൽ സുഗമമാക്കാൻ ഇത്തരം നയതന്ത്ര ഇടപെടലുകളിൽ ഇത്തരം ഉപകരണങ്ങൾ സാധാരണയായി ഉപയോഗിക്കാറുണ്ട്.

ഇന്ത്യ-ഒമാൻ ബന്ധം കൂടുതൽ കരുത്തുറ്റതാക്കുന്ന നിർണ്ണായകമായ പല കരാറുകളിലും ഈ സന്ദർശന വേളയിൽ ഒപ്പുവച്ചിരുന്നു. ഇന്ത്യയുടെ 98 ശതമാനം കയറ്റുമതിക്കും ഡ്യൂട്ടി ഫ്രീ ആക്‌സസ് നൽകുന്ന സ്വതന്ത്ര വ്യാപാര കരാർ (FTA) ഇതിൽ പ്രധാനമാണ്. 

മടക്കയാത്രയ്ക്ക് മുൻപായി സുൽത്താൻ ഹൈതം ബിൻ താരിക് ഒമാന്റെ പരമോന്നത സിവിലിയൻ ബഹുമതിയായ 'ഓർഡർ ഓഫ് ഒമാൻ' നൽകി നരേന്ദ്ര മോദിയെ ആദരിക്കുകയും ചെയ്തിരുന്നു. ഇരു രാജ്യങ്ങളും തമ്മിലുള്ള ആഴത്തിലുള്ള സ്നേഹത്തിന്റെയും വിശ്വാസത്തിന്റെയും പ്രതീകമാണിതെന്ന് പ്രധാനമന്ത്രി പിന്നീട് കുറിച്ചു.

During Prime Minister Narendra Modi's official visit to Oman, a question that has been circulating on social media is what that small device in his right ear is. There has been a lot of speculation as to whether the dimly-coloured object, which looks like an earring, is the Prime Minister's new fashion style.