കൊച്ചി: കേരളത്തിലെ വഖ്ഫ് സ്ഥാപനങ്ങളുടെ വിവരങ്ങൾ അപ്‌ലോഡ്‌ ചെയ്യുന്നതിന് ഉമീദ് പോർട്ടൽ പ്രവർത്തനമാരംഭിച്ചതായി സംസ്ഥാന വഖ്ഫ് ബോർഡ്. കേരള സംസ്ഥാന വഖ്ഫ് ട്രൈബ്യൂണൽ മുമ്പാകെ സമർപ്പിച്ച ഹരജിയിലെ വിധിയെ തുടർന്നാണ് പോർട്ടൽ തുറന്നുനൽകിയത്. വഖ്ഫ് മുതവല്ലിമാർ 2026 മാർച്ച് 15നകം മുഴുവൻ രേഖകളും പോർട്ടലിൽ അപ്‌ലോഡ്‌ ചെയ്യണമെന്നും ബോർഡിന്റെ വെബ്സൈറ്റിൽ (www.keralastatewakfboard.in) നൽകിയിട്ടുള്ള മെറ്റഡേറ്റ ഫോം പൂരിപ്പിച്ച് രേഖകൾ സഹിതം ഓഫിസിൽ ഹാജരാക്കണമെന്നും വഖ്ഫ് ബോർഡ് ചീഫ് എക്സിക്യൂട്ടീവ് ഓഫിസർ സി.എം അബ്ദുൾ ജബ്ബാർ അറിയിച്ചു.