പാലക്കാട്: പാലക്കാട് കൊടുമ്പിൽ ബൈക്ക് ഓട്ടോറിക്ഷയിൽ ഇടിച്ച് മറിഞ്ഞുണ്ടായ അപകടത്തിൽ രണ്ട് യുവാക്കൾ മരിച്ചു. കുന്നത്തൂർമേട് സ്വദേശി രമേഷ്, കൊടുമ്പ് സ്വദേശി മനോജ് എന്നിവരാണ് മരിച്ചത്. സുഹൃത്തുക്കളായ ഇരുവരും സഞ്ചരിച്ചിരുന്ന ബൈക്ക് ഓട്ടോറിക്ഷയെ മറികടക്കാൻ ശ്രമിക്കുന്നതിനിടെയാണ് അപകടത്തിൽപ്പെട്ടത്.

സംഭവം ഇങ്ങനെ:

ബുധനാഴ്ച വൈകുന്നേരം ഏഴ് മണിയോടെ കൊടുമ്പ് ഓലശേരിക്ക് സമീപമായിരുന്നു അപകടം. മുന്നിൽ പോവുകയായിരുന്ന ഓട്ടോറിക്ഷയെ മറികടക്കാൻ ശ്രമിക്കുന്നതിനിടെ ബൈക്ക് നിയന്ത്രണം വിട്ട് ഓട്ടോയിൽത്തന്നെ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇരുവരും സംഭവസ്ഥലത്തുതന്നെ മരിച്ചു.

അപകടം നടന്ന ഉടനെ നാട്ടുകാരും പൊലിസും സ്ഥലത്തെത്തി ഇരുവരെയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹങ്ങൾ ജില്ലാ ആശുപത്രി മോർച്ചറിയിലേക്ക് മാറ്റിയിരിക്കുകയാണ്. പൊലിസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. അമിതവേഗതയാണോ അപകടത്തിന് കാരണമായതെന്ന് പൊലിസ് പരിശോധിച്ചുവരികയാണ്.