മലപ്പുറം: മലപ്പുറത്ത് പുഴയിൽ കുളിക്കാൻ ഇറങ്ങിയ അമ്മയും മകനും മുങ്ങിമരിച്ചു.   പടിഞ്ഞാറ്റുമുറിയിലെ പനമ്പറ്റക്കടവിലാണ്  സംഭവം നടന്നത്. അപകടത്തിൽ സിബിന(32), മകനായ മുഹമ്മദ്‌ സിയാൻ(10) എന്നിവരാണ് മരണപ്പെട്ടത്. സിബിനയും മൂന്ന് മക്കളും ബന്ധുവും അടക്കം അഞ്ച് ആളുകളാണ് പുഴയിൽ കുളിക്കാൻ ഇറങ്ങിയിരുന്നത്.  അഞ്ച് പേരും അപകടത്തിൽ പെടുകയായിരുന്നു. തുടർന്ന് നാട്ടുകാർ മൂന്നു ആളുകളെ രക്ഷപ്പെടുത്തുകയായിരുന്നു.  

എന്നാൽ സിബിനയും മുഹമ്മദ് സിയാനും പുഴയിൽ മുങ്ങുകയായിരുന്നു. ഇരുവരെയും പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. ഇരുവരുടെയും മൃതദേഹം പോസ്റ്റ്മോർട്ടത്തിന് വേണ്ടി മഞ്ചേരി മെഡിക്കൽ കോളേജിലേക്ക് മാറ്റി.