കൊല്ലം: ജില്ലാ പഞ്ചായത്ത് ജില്ലയിലെ എച്ച്.ഐ.വി. ബാധിതര്‍ക്ക് നടപ്പാക്കിവരുന്ന പോഷകാഹാര വിതരണ പദ്ധതിയുടെ ആദ്യഘട്ട വിതരണം കൊല്ലം ഹൈസ്‌കൂള്‍ ജങ്ഷനില്‍ പ്രവര്‍ത്തിക്കുന്ന കെ.എല്‍.എന്‍.പി ഓഫിസില്‍ നടത്തി. 10 കി.അരി, ഉഴുന്ന്, കടല, ചെറുപയര്‍, കപ്പലണ്ടി, വെളിച്ചെണ്ണ, ഓട്‌സ്, മുതിര, ശര്‍ക്കര, ഈന്തപ്പഴം എന്നിവയുടെ ഓരോ കിലോഗ്രാം വീതമുള്ള ആകെ 19 കി തൂക്കം വരുന്ന കിറ്റുകളാണ് നല്‍കിയത്. നിലവില്‍ 375 എച്ച്.ഐ.വി. ബാധിതരാണ് കെ.എല്‍.എന്‍.പി ഓഫിസില്‍ രജിസ്റ്റര്‍ ചെയ്തിട്ടുള്ളത്.
ക്ഷേമകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ഇ.എസ്. രമാദേവി ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ ജൂലിയറ്റ് നെല്‍സണ്‍ അധ്യക്ഷത വഹിച്ചു. ജില്ലാ സാമൂഹ്യ നീതി ഓഫിസര്‍ സബീനബീഗം,ജില്ലാ പഞ്ചായത്ത് അംഗങ്ങളായ ഷീജ കെ.ആര്‍, അനില്‍ എസ്. കല്ലേലിഭാഗം, ശ്രീലേഖാ വേണുഗോപാല്‍, ജില്ലാ പഞ്ചായത് സെക്രട്ടറി എന്‍.ജയ്‌സുഖ്‌ലാല്‍, കെ.എല്‍.എന്‍.പി ഓഫിസ് സെക്രട്ടറി ജയകുമാര്‍, പ്രസിഡന്റ് ഗിരിജാ പവിത്രന്‍ എന്നിവര്‍ പങ്കെടുത്തു.