കുറുവ: ചെറുകുളമ്പ ഐ.കെ.ടി ഹയര്‍ സെക്കന്‍ഡറി സ്‌കൂള്‍ സ്റ്റുഡന്റ്‌സ് പൊലിസ് കേഡറ്റുകളുടെ നേതൃത്വത്തില്‍ സ്‌നേഹസ്പര്‍ശം സഹപാഠിക്കൊരു കൈത്താങ്ങ് എന്ന പദ്ധതിയില്‍ ഉള്‍പ്പെടുത്തി ഓണക്കിറ്റ് വിതരണം ചെയ്തു. ഒരുപിടി അരിയിലൂടെ സ്റ്റുഡന്റ്‌സ് പൊലിസ് കേഡറ്റുകള്‍ ശേഖരിച്ച 400 കിലോ അരിയാണു തെരഞ്ഞെടുത്ത നൂറോളം വിദ്യാര്‍ഥികള്‍ക്കു വിതരണം ചെയ്തത്. ഒരുപിടി അരി പദ്ധതി മാസത്തില്‍ ഒരുതവണ നടപ്പാക്കി വിപുലമാക്കാനാണു കേഡറ്റുകളുടെ ശ്രമം. ഹെഡ്മിസ്ട്രസ് ഇന്ദിരാഭായ് പദ്ധതി ഉദ്ഘാടനം ചെയ്തു.
പൊലിസ് ഓഫിസര്‍ മുല്ലപ്പള്ളി ഇബ്രാഹിം അധ്യക്ഷനായി. കേഡറ്റുകളായ എം. സിനാന്‍, പി. ശാമില്‍ഷാ, പി.അജ്മല്‍, വി.ശുഹൈബ് തുടങ്ങിയവര്‍ നേതൃത്വം നല്‍കി.