പാലക്കാട്: മനുഷ്യര്‍ക്കും കന്നുകാലികള്‍ക്കും ഒരുപോലെ ബാധിക്കാന്‍ സാധ്യതയുള്ള മള്‍ട്ടാ പനി കേരളത്തില്‍ റിപ്പോര്‍ട്ട് ചെയ്തു. വെറ്ററിനറി സര്‍വകലാശാലയുടെ പാലക്കാട്ടെ തിരുവിഴാങ്കുന്ന ഫാമിലെ കന്നുകാലികളിലാണ് മള്‍ട്ടാ പനി കണ്ടെത്തിയത്. ഇത് മനുഷ്യരിലേക്കും പകരുമന്നതിനാല്‍ പ്രതിരോധനടപടി സ്വീകരിക്കാന്‍ സംസ്ഥാന സര്‍ക്കാരിനും വെറ്ററനറി സര്‍വകലാശാലയ്ക്കും കേന്ദ്ര മൃഗക്ഷേമ ബോര്‍ഡ് നിര്‍ദേശം നല്‍കി.

ബാക്ടീരിയ പരത്തുന്ന മള്‍ട്ടാ പനി ശരീരകോശങ്ങളെ ബാധിക്കുന്ന രോഗമാണ്. രോഗം ബാധിച്ചാല്‍ മന്ദത, ഗര്‍ഭഛിദ്രം, സന്ധിവേദന എന്നിവയുണ്ടാകാം. രോഗമുള്ള കന്നുകാലികളുടെ പാല്‍ കുടിക്കുകയോ ശരിയായ രീതിയില്‍ പാചകം ചെയ്യാത്ത മാംസം കഴിക്കുകയോ ചെയ്താല്‍ മനുഷ്യരിലേക്ക് പകരാം.