ഇന്ത്യൻ ഓപ്പണർ അഭിഷേക് ശർമയെ പ്രശംസിച്ച് മുൻ പാകിസ്താൻ താരം കമ്രാൻ അക്മൽ. അഭിഷേക് ശർമയുടെ ആക്രമിച്ചുകൊണ്ടുള്ള ശൈലി ഇന്ത്യൻ ഏകദിന ടീമിന് സഹായകമാവുമെന്നാണ് കമ്രാൻ അക്മലിന്റെ വിലയിരുത്തൽ. അഭിഷേക് ടീമിൽ ഉണ്ടെങ്കിൽ ഏകദിനത്തിൽ ഇന്ത്യ 500 റൺസ് നേടുമെന്നാണ് മുൻ പാക് താരം പറഞ്ഞത്. സ്പോർട്സ് വുഡിലൂടെ സംസാരിക്കുകയായിരുന്നു അക്മൽ. 

നിലവിൽ നടന്നുകൊണ്ടിരിക്കുന്ന ന്യൂസിലാൻഡിനെതിരെയുള്ള ടി-20 പരമ്പരയിൽ മിന്നും ഫോമിലാണ് അഭിഷേക് കളിച്ചുകൊണ്ടിരിക്കുന്നത്. മൂന്നാം ടി-20യിൽ 20 പന്തിൽ പുറത്താവാതെ 68 റൺസാണ് അഭിഷേക് നേടിയത്. ഏഴ് ഫോറുകളും അഞ്ചു സിക്സുകളും ആണ് താരം അടിച്ചെടുത്തത്. 14 പന്തിൽ നിന്നുമാണ് അഭിഷേക് അർദ്ധ സെഞ്ച്വറി പൂർത്തിയാക്കിയത്. ഇന്റർനാഷണൽ ടി-20യിൽ ഇന്ത്യക്കാരന്റെ ഏറ്റവും വേഗതയേറിയ രണ്ടാമത്തെ അർദ്ധ സെഞ്ച്വറിയാണ് താരം കിവികൾക്കെതിരെ അടിച്ചെടുത്തത്. 

റായ്പൂരിൽ നടന്ന ന്യൂസിലാൻഡിനെതിരെയുള്ള ആദ്യ ടി-20യിൽ 35 പന്തിൽ 84 റൺസ് നേടിയാണ് അഭിഷേക് തിളങ്ങിയത്. അഞ്ചു ഫോറുകളും എട്ട് സിക്സുകളും അടങ്ങുന്നതാണ് താരത്തിന്റെ വെടിക്കെട്ട് ഇന്നിംഗ്സ്. മത്സരത്തിലെ ഈ വെടിക്കെട്ട് ഇന്നിങ്സിന് പിന്നാലെ ടി-20യിൽ 5000 റൺസ് പൂർത്തിയാക്കാനും അഭിഷേക് ശർമയ്ക്ക് സാധിച്ചു.

കുട്ടിക്രിക്കറ്റിൽ ഏറ്റവും മികച്ച സ്ട്രൈക്ക് റേറ്റിൽ 5000 റൺസ് നേടുന്ന താരമായും അഭിഷേക് ശർമ്മ മാറി. 172.48 പ്രഹരശേഷിയിലാണ് താരം ഈ നേട്ടം കൈവരിച്ചത്. 167.61 സ്ട്രൈക്ക് റേറ്റിൽ 5000 റൺസ് നേടിയ വെസ്റ്റ് ഇൻഡീസ് ഇതിഹാസം ആന്ദ്രേ റസലിനെ മറികടന്നാണ് അഭിഷേക് ശർമ്മയുടെ ഈ നേട്ടം. 

മൂന്നാം മത്സരവും വിജയിച്ചതോടെ അഞ്ചു മത്സരങ്ങളുടെ പരമ്പര രണ്ട് മത്സരങ്ങൾ ബാക്കിനിൽക്കെ തന്നെ സ്വന്തമാക്കാനും ഇന്ത്യക്ക് സാധിച്ചു. ജനുവരി 28നാണ് പരമ്പരയിലെ നാലാമത്തെ മത്സരം നടക്കുന്നത്. വിശാഖപട്ടണമാണ് വേദി. 

Former Pakistan player Kamran Akmal has praised Indian opener Abhishek Sharma. Kamran Akmal believes that Abhishek Sharma's attacking style will help the Indian ODI team. The former Pakistani player said that if Abhishek is in the team, India will score 500 runs in ODIs.