ഡൽഹി: പാർലമെന്റിന്റെ ബജറ്റ് സമ്മേളനത്തിന് ഇന്ന് തുടക്കമാവും. ഇരു സഭകളുടെയും സംയുക്ത സമ്മേളനത്തിൽ രാഷ്ട്രപതി ദ്രൗപതി മുർമു അഭിസംബോധന ചെയ്യും. സഭയിൽ ഇന്ന് മറ്റ് നടപടികൾ ഒന്നുമില്ല. സമ്മേളനം രണ്ട് ഘട്ടങ്ങളായാണ് ചേരുന്നത്. സമ്മേളനത്തിന് മുന്നോടിയായി എൻഡിഎ, ഇന്ത്യ സഖ്യ മുന്നണികൾ യോഗം ചേരുന്നുണ്ട്.

ഇന്ന് മുതൽ ഏപ്രിൽ രണ്ട് വരെയാണ് പാർലമെന്റിന്റെ ബജറ്റ് സമ്മേളന കാലയളവ്. ഫെബ്രുവരി രണ്ടിനാണ് കേന്ദ്ര ധനമന്ത്രി നിർമല സീതാരാമൻ കേന്ദ്ര ബജറ്റ് അവതരിപ്പിക്കുന്നത്. സമ്മേളനത്തിന്റെ ആദ്യ ഘട്ടം ഫെബ്രുവരി 13നാണ് അവസാനിക്കുന്നത്. മാർച്ച് ഒമ്പത് മുതലാണ് രണ്ടാം ഘട്ട സമ്മേളനം ആരംഭിക്കുന്നത്.