ദുബൈ: ലോകത്തെ ഏറ്റവും വലിയ ശാസ്ത്ര സംഗമത്തിന് യുഎഇയിൽ തുടക്കമായി. നോബൽ സമ്മാന ജേതാക്കളും പ്രമുഖ ശാസ്ത്ര പുരസ്കാര ജേതാക്കളും പങ്കെടുക്കുന്ന 'വേൾഡ് ലോറേറ്റ്സ് സമ്മിറ്റ്' (World Laureates Summit) യുഎഇ പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാനും വൈസ് പ്രസിഡന്റും പ്രധാനമന്ത്രിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമും ചേർന്ന് ഉദ്ഘാടനം ചെയ്തു. 2026-ലെ വേൾഡ് ഗവൺമെന്റ് സമ്മിറ്റിന് മുന്നോടിയായാണ് ഈ സുപ്രധാന സമ്മേളനം നടക്കുന്നത്.

ശാസ്ത്രവും അറിവുമാണ് ഒരു രാഷ്ട്രത്തിന്റെ യഥാർത്ഥ സമ്പത്തെന്നും ശാസ്ത്രജ്ഞർ മനുഷ്യരാശിയുടെ ഭാവി രൂപപ്പെടുത്തുന്ന ശിൽപികളാണെന്നും ഉദ്ഘാടന പ്രസംഗത്തിൽ ശൈഖ് മുഹമ്മദ് ബിൻ റാഷിദ് അൽ മക്തൂം പറഞ്ഞു. നൂതനാശയങ്ങളെ പിന്തുണയ്ക്കാനും അസാധ്യമായതിനെ യാഥാർത്ഥ്യമാക്കാനും യുഎഇ എന്നും മുൻപന്തിയിലുണ്ടാകുമെന്ന് അദ്ദേഹം വ്യക്തമാക്കി. 100-ലധികം ലോകോത്തര ശാസ്ത്രജ്ഞരാണ് മൂന്ന് ദിവസം നീണ്ടുനിൽക്കുന്ന ഈ ഉച്ചകോടിയിൽ ഒത്തുചേരുന്നത്.

ALSO READ: യാത്രക്കാർക്ക് വമ്പൻ ഓഫർ; 6510 രൂപ മുതൽ വിദേശയാത്രാ വിമാന ടിക്കറ്റുമായി എയർ ഇന്ത്യ എക്സ്പ്രസ് | Air India Express Offer 2026 

ആഗോളതലത്തിൽ നേരിടുന്ന സാമ്പത്തിക, സാമൂഹിക വെല്ലുവിളികൾക്ക് ശാസ്ത്രീയമായ പരിഹാരങ്ങൾ കണ്ടെത്തുക യാണ് ഉച്ചകോടിയുടെ പ്രധാന ലക്ഷ്യം. ശാസ്ത്ര ഗവേഷണങ്ങളിൽ നിക്ഷേപം നടത്തുന്നത് വരും തലമുറകളുടെ സുസ്ഥിരത ഉറപ്പാക്കുമെന്ന് ശൈഖ് മുഹമ്മദ് ബിൻ സായിദ് അൽ നഹ്യാൻ അഭിപ്രായപ്പെട്ടു. ലോകത്തിന്റെ വിവിധ ഭാഗങ്ങളിൽ നിന്നുള്ള ഗവേഷകരും ശാസ്ത്ര സ്ഥാപനങ്ങളുടെ തലവന്മാരും ഈ അന്താരാഷ്ട്ര വേദിയിൽ തങ്ങളുടെ നിരീക്ഷണങ്ങൾ പങ്കുവെക്കും.

ഫെബ്രുവരി 3 മുതൽ 5 വരെ നടക്കുന്ന വേൾഡ് ഗവൺമെന്റ് സമ്മിറ്റിനോട് അനുബന്ധിച്ചാണ് സമ്മേളനവും നടക്കുന്നത്. ലോക രാഷ്ട്രത്തലവന്മാർ, മന്ത്രിമാർ, അന്താരാഷ്ട്ര സംഘടനാ പ്രതിനിധികൾ എന്നിവരുമായി ശാസ്ത്രജ്ഞർ സംവദിക്കുന്ന പ്രത്യേക സെഷനുകൾ ഫെബ്രുവരി മൂന്നിന് നടക്കും. നിർമ്മിത ബുദ്ധി (AI), ആരോഗ്യ മേഖലയിലെ പുരോഗതി, ഭൗതികശാസ്ത്രം തുടങ്ങിയ വിഷയങ്ങളിൽ പരമ്പരാഗത അതിർവരമ്പുകൾ ഭേദിച്ചുകൊണ്ടുള്ള പുതിയ ചർച്ചകൾക്ക് ഉച്ചകോടി വേദിയാകും.

ALSO READ: ഇസ്റാഈൽ നിരന്തരം കരാർ ലംഘിക്കുന്നു; ട്രംപിന്റെ സമാധാന പദ്ധതി അവതാളത്തിലെന്ന് യുഎഇയും സഊദിയും ഉൾപ്പെടെയുള്ള അറബ് രാജ്യങ്ങൾ

അറിവിനെ ഒരു ദേശീയ മുൻഗണനയായി കാണുന്ന യുഎഇയുടെ നയമാണ് ഇത്തരം ആഗോള സമ്മേളനങ്ങൾ രാജ്യത്ത് നടക്കാൻ കാരണമെന്ന് കാബിനറ്റ് കാര്യ മന്ത്രി മുഹമ്മദ് അൽ ഗെർഗാവി പറഞ്ഞു. വിഭവങ്ങളെക്കാൾ ഉപരിയായി ജനങ്ങളുടെ ബുദ്ധിശക്തിയിലും അറിവിലും നിക്ഷേപം നടത്തുന്നതിലൂടെ മാത്രമേ ഒരു മികച്ച ഭാവി കെട്ടിപ്പടുക്കാൻ സാധിക്കൂ എന്നും അദ്ദേഹം കൂട്ടിച്ചേർത്തു.

top global scientists have gathered in the uae for the world laureates summit, attended by sheikh mohammed bin zayed and sheikh mohammed bin rashid, highlighting the country’s focus on science and innovation.