കുവൈത്ത് സിറ്റി: പ്രവാസലോകത്തുനിന്നും വീണ്ടും നൊമ്പരമായി മലയാളി യുവാവിന്റെ വിയോഗം. കുവൈത്തിൽ ഡ്രൈവറായി ജോലി ചെയ്തിരുന്ന മലപ്പുറം മക്കരപ്പറമ്പ് സ്വദേശി മുബഷിർ (26) ആണ് ശ്വാസകോശ സംബന്ധമായ ഗുരുതരമായ അസുഖത്തെത്തുടർന്ന് അന്തരിച്ചത്.

ALSO READ: മസ്‌കത്തിൽ കെട്ടിടത്തിന് മുകളിൽ നിന്ന് വീണ മലയാളി വിദ്യാർഥിക്ക് ദാരുണാന്ത്യം

അസുഖം ബാധിച്ചതിനെത്തുടർന്ന് തീവ്രപരിചരണ വിഭാഗത്തിൽ (ICU) ചികിത്സയിലായിരുന്നുവെങ്കിലും ആരോഗ്യനില വഷളായതിനെത്തുടർന്ന് അന്ത്യം സംഭവിക്കുകയായിരുന്നു. വെറും മൂന്ന് മാസം മുമ്പാണ് മുബഷിർ ജോലി തേടി കുവൈത്തിലെത്തിയത്. ആറുമാസം മുമ്പ് വിവാഹിതനായ മുബഷിറിന്റെ വേർപാട് കുടുംബത്തിനും പ്രവാസി സുഹൃത്തുക്കൾക്കും വലിയ ആഘാതമായി. ആശുപത്രിയിലെ നിയമനടപടികൾ പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോയി.