റിയാദ്: 'ആപ്റ്റാമിൽ അഡ്വാൻസ്' ശിശു പാൽ ഉൽപ്പന്നത്തിന്റെ ബാച്ചുകൾ സഊദി വിപണിയിൽ എത്തിയിട്ടില്ലെന്ന് സഊദി ഫുഡ് ആൻഡ് ഡ്രഗ് അതോറിറ്റി (SFDA). രാജ്യത്ത് നിലവിലുള്ള ആപ്റ്റാമിൽ ഉൽപ്പന്നങ്ങൾ സുരക്ഷിതമാണെന്നും അതോറിറ്റി അറിയിച്ചു. ദാനോൺ കമ്പനിയുടെ 'ആപ്റ്റാമിൽ ഫസ്റ്റ് ഇൻഫന്റ് ഫോർമുല'യിൽ ഛർദ്ദിക്ക് കാരണമാകുന്ന സെറൂലൈഡ് എന്ന വിഷാംശം കണ്ടെത്തിയതിനെത്തുടർന്ന് കമ്പനി ചില ബാച്ചുകൾ തിരിച്ചുവിളിച്ചിരുന്നു.

ALSO READ: താമസ-തൊഴിൽ നിയമലംഘനം; ഒരാഴ്ചയ്ക്കിടെ പിടിയിലായത് 19,975 പേർ, 14,000 പേരെ നാടുകടത്തി

തുടർന്നുണ്ടായ ആശങ്കയ്ക്കൊടുവിലാണ് ഉപഭോക്താക്കളുടെ ചോദ്യത്തിന് എക്സ് പ്ലാറ്റ്ഫോമിലൂടെ അതോറിറ്റിയുടെ വെളിപ്പെടുത്തൽ. സഊദിയിലെ കുട്ടികൾക്കായി വിപണിയിലെത്തുന്ന ഭക്ഷ്യവസ്തുക്കളുടെയും മറ്റ് ഉൽപ്പന്നങ്ങളുടെയും സുരക്ഷിതത്വം അതോറിറ്റി നിരീക്ഷിച്ചുവരുകയാണെന്നും നിയമലംഘന സാഹചര്യമുണ്ടായാൽ കർശന നടപടികൾ സ്വീകരിക്കുമെന്നും അധികൃതർ ഉറപ്പു നൽകിയിട്ടുണ്ട്. 

The Saudi Food and Drug Authority (SFDA) confirms that batches of Aptamil Advance milk affected by global warnings have not entered Saudi Arabia. Authorities ensure products in the Kingdom are safe and under strict monitoring.