മസ്‌കത്ത്: ഒമാനിലെ മസ്‌കത്തിൽ താമസ കെട്ടിടത്തിന് മുകളിൽ നിന്ന് വീണ മലയാളി വിദ്യാർഥിക്ക് ദാരുണാന്ത്യം. ഇടുക്കി തൊടുപുഴ അമയപ്ര ഉടുമ്പന്നൂർ സ്വദേശികളായ മെക്കാട്ടിൽ ജോർജ് ബിനു - ബിന്ദു ജോർജ് ദമ്പതികളുടെ മകൻ ബേസിൽ ജോർജ് (12) ആണ് മരിച്ചത്.

ALSO READ: മലപ്പുറം സ്വദേശി കുവൈത്തില്‍ അന്തരിച്ചു 

വാദി കബീർ ഇന്ത്യൻ സ്‌കൂളിലെ ഏഴാം ക്ലാസ് വിദ്യാർത്ഥിയാണ് ബേസിൽ. വാദി കബീറിലെ താമസ കെട്ടിടത്തിന് മുകളിൽ നിന്ന് വീണ നിലയിൽ കണ്ടെത്തുകയായിരുന്നു. സംഭവസ്ഥലത്ത് വെച്ച് തന്നെ മരണം സംഭവിച്ചതായാണ് റിപ്പോർട്ട്.

ALSO READ: മകളെ കാണാൻ സലാലയിലെത്തിയ മലയാളി ഹൃദയാഘാതം മൂലം മരിച്ചു

കുട്ടിയുടെ അപ്രതീക്ഷിത മരണം പ്രവാസി മലയാളികൾക്കിടയിലും സ്‌കൂൾ അധികൃതർക്കിടയിലും വലിയ ഞെട്ടലുണ്ടാക്കിയിട്ടുണ്ട്. മൃതദേഹം തുടർ നടപടികൾക്കായി ആശുപത്രിയിലേക്ക് മാറ്റി. മരണത്തിലേക്ക് നയിച്ച സാഹചര്യങ്ങളെക്കുറിച്ച് പ്രാദേശിക അധികൃതർ വിശദമായ അന്വേഷണം ആരംഭിച്ചിട്ടുണ്ട്.

a malayali student lost his life after falling from the top of a building in muscat, oman, triggering shock and grief among the expatriate community.