സൈലിയം ഹസ്‌ക് അഥവാ ഇസബ്‌ഗോള്‍- ദഹനപ്രശ്‌നങ്ങള്‍ക്കുള്ള വിശ്വസനീയമായ പ്രതിവിധിയായി വളരെക്കാലമായി ഇന്ത്യയില്‍ പ്രചാരത്തിലുള്ള ഒന്നാണ്. മലബന്ധം ലഘൂകരിക്കുന്നത് മുതല്‍ മൊത്തത്തിലുള്ള കുടലിന്റെ ആരോഗ്യം സംരക്ഷിക്കുന്നു എന്ന കാരണത്താല്‍ ഒട്ടുമിക്ക അടുക്കളകളുടെ ക്യാബിനുകളിലും ഇത് ഇടംപിടിച്ചിട്ടുണ്ടാകും. 

എന്താണ് ഇസബ്‌ഗോള്‍?
പ്ലാന്റാഗോ ഒവാറ്റ എന്ന സസ്യത്തിന്റെ വിത്തിന്റെ പുറംതോടില്‍ നിന്നാണ് ഇസാബ്‌ഗോള്‍ നിര്‍മിക്കുന്നത്. ഇതില്‍ ലയിക്കുന്ന നാരുകള്‍ ധാരാളമായി അടങ്ങിയിട്ടുണ്ട്, ഇത് വെള്ളത്തില്‍ കലര്‍ത്തുമ്പോള്‍ ഒരു ജെല്‍ പോലെ ആയിമാറുന്നു. 

ഈ ജെല്‍ കുടലിലൂടെ മാലിന്യങ്ങള്‍ സുഗമമായി നീക്കാന്‍ സഹായിക്കുന്നു. ഇത് മലവിസര്‍ജ്ജനം എളുപ്പമാക്കുന്നു. ഇസാബ്‌ഗോളിന്റെ വിവിധ രൂപങ്ങള്‍ നമ്മള്‍ ഉപയോഗിക്കുന്നു. ഇസബ്‌ഗോള്‍ ഹസ്‌ക് പൊടി, ഇസബ്‌ഗോള്‍ ഭൂസ്‌ഐ, ഇസബ്‌ഗോള്‍ വിത്തുകള്‍ എന്നിവയാണ് അവ.

എന്നാല്‍ ഇതിന്റെ ഉപയോഗം സംബന്ധിച്ച് പലര്‍ക്കും പല സംശയങ്ങളും മിഥ്യാധാരണകളും ഉണ്ട്. അവ എന്തൊക്കെയെന്ന് നോക്കാം

ALSO READ: കരള്‍ തകരുന്നത് അറിയാതെ പോവരുത്; അവഗണിക്കരുതൊരിക്കലും ജീവനെടുക്കുന്ന ലിവര്‍ സിറോസിസിന്റെ ലക്ഷണങ്ങള്‍ 

പ്രകൃതിദത്തം:

ഇസാബ്‌ഗോള്‍ പൂര്‍ണ്ണമായും പ്രകൃതിദത്തമാണ്. പ്ലാന്റാഗോ ഒവാറ്റ വിത്തിന്റെ പുറം തോടുമാത്രമാണ്. പലരും ഇത് സംസ്‌കരിച്ചതോ കൃത്രിമമോ ആണെന്ന് കരുതുന്നു. പക്ഷേ ഇത് പൂര്‍ണമായും സസ്യ സ്രോതസ്സ് തന്നെയാണ്.

ശീലമാകുമോ?

ഇസാബ്‌ഗോള്‍ കഴിക്കാന്‍ തുടങ്ങിയാല്‍, മലവിസര്‍ജ്ജനത്തിനായി നിങ്ങള്‍ അതിനെ എപ്പോഴും ആശ്രയികേണ്ടതായി വരും എന്നൊരു ധാരണയുണ്ട്. ഇത് ശരിയല്ല. ഇസാബ്‌ഗോള്‍ വെള്ളം ആഗിരണം ചെയ്യുന്നു, ഒരു ജെല്‍ ഉണ്ടാക്കുന്നു, ഇത് സ്വാഭാവികമായും മലവിസര്‍ജ്ജനം എളുപ്പമാക്കുന്നു. ഇത് നിങ്ങളുടെ കുടലില്‍ മാറ്റങ്ങളൊന്നും ഉണ്ടാക്കുന്നില്ല. അതുകൊണ്ട് തന്നെ ഇത് ശീലമാകുമെന്ന ഭയവും വേണ്ട.

വയറു വീര്‍ക്കുമോ?

ALSO READ: കിടപ്പുമുറിയിലെ സുഗന്ധം മനസ്സിനും കുളിര്‍മ നല്‍കും; ബെഡ്ഷീറ്റുകള്‍ എന്നും ഫ്രഷ് ആയി ഇരിക്കാന്‍ ഈ കാര്യങ്ങള്‍ ശ്രദ്ധിക്കൂ

നാരുകളടങ്ങിയ ഏത് ഭക്ഷണങ്ങള്‍ കഴിച്ചാലും ഗ്യാസ് അല്ലെങ്കില്‍ വയറുവീര്‍ക്കല്‍ പോലുള്ള പ്രശ്‌നങ്ങള്‍ ഉണ്ടാകാറുണ്ട്. ഓട്‌സ്, ചിയ വിത്തുകള്‍, പഴങ്ങള്‍, പച്ചക്കറികള്‍ എന്നിവ കഴിക്കുമ്പോഴെല്ലാം നിങ്ങള്‍ക്കിത് അനുഭവപ്പെടാറുണ്ടാവും.  എന്നാല്‍ ഇത്തരം ഭക്ഷണങ്ങള്‍ കഴിക്കുമ്പോള്‍ ധാരാളം വെള്ളം കുടിക്കേണ്ടത് അത്യാവശ്യമാണ്. ഇങ്ങനെ ചെയ്താല്‍ ഈ പ്രശ്‌നങ്ങള്‍ പരിഹരിക്കപ്പെടുന്നതാണ്.

ദിവസവും കഴിക്കുന്നത് ദോഷമോ?

ദിവസവും ഇസാബ്‌ഗോള്‍ കഴിക്കുന്നത് ദോഷകരമാണെന്ന് ചിലര്‍ വിശ്വസിക്കുന്നു. വാസ്തവത്തില്‍, ദൈനംദിന ഉപയോഗത്തിന് ഇത് തികച്ചും സുരക്ഷിതമാണ്, പ്രത്യേകിച്ച് നിങ്ങളുടെ ഭക്ഷണത്തില്‍ ആവശ്യത്തിന് നാരുകള്‍ അടങ്ങിയിട്ടില്ലെങ്കില്‍.ഒരു വ്യക്തിക്ക് ഒരു ദിവസം ഏകദേശം 30 ഗ്രാം നാരുകള്‍ ആവശ്യമാണ്, എന്നാല്‍ എല്ലാവരുടെ ഭക്ഷണത്തിലും അത് അടങ്ങിയിട്ടുണ്ടാവില്ല. ഈ വിടവ് എളുപ്പത്തില്‍ നികത്താന്‍ ഇസാബ്‌ഗോളിന് കഴിയും. ആവശ്യത്തിന് വെള്ളം കുടിക്കുക കൂടി ചെയ്താല്‍ ഇസബ്‌ഗോള്‍ ദിവസവും കഴിക്കുന്നത് നല്ലതാണെന്ന് തന്നെ പറയാം. 

പാര്‍ശ്വഫലങ്ങള്‍:

ശരിയായി കഴിക്കുകയാണെങ്കില്‍ ഇസാബ്‌ഗോള്‍ പൊതുവെ സുരക്ഷിതമാണ്. ഇത് നേരിട്ട് കഴിക്കുന്നത് ഒഴിവാക്കുക എന്നതാണ് പ്രധാന മുന്‍കരുതല്‍, കാരണം ഇത് ശ്വാസംമുട്ടലോ അസ്വസ്ഥതയോ ഉണ്ടാക്കും. 1 മുതല്‍ രണ്ട് ടീസ്പൂണ്‍ സൈലിയം ഹസ്‌ക് ഒരു ഗ്ലാസ് വെള്ളത്തില്‍ നന്നായി കലക്കി ഉപയോഗിക്കാം. ശരിയായി ഉപയോഗിക്കുമ്പോള്‍, ഇസാബ്‌ഗോളിന് വലിയ പാര്‍ശ്വഫലങ്ങളൊന്നുമില്ല.

Psyllium husk, commonly known as Isabgol, is a natural soluble fiber derived from the seeds of the Plantago ovata plant. It absorbs water and forms a gel-like substance in the digestive tract, which helps regulate bowel movements and improve overall gut health.