തിരുവനന്തപുരം:ബംഗളൂരു സ്വദേശിനിയെ പീഡിപ്പിച്ചെന്ന രണ്ടാമത്തെ പരാതിയില്‍ എംഎല്‍എ രാഹുല്‍ മാങ്കൂട്ടത്തിലിന് അനുവധിച്ച മുന്‍കൂര്‍ ജാമ്യം റദ്ദാക്കണം എന്ന് ആവശ്യപ്പെട്ടുള്ള ഹരജി പരിഗണിക്കുന്നത് മാറ്റി. തര്‍ക്കം എഴുതി സമര്‍പ്പിക്കണം ഇതിനായി സമയം വേണമെന്ന പ്രതിഭാഗ ആവശ്യത്തെ തുടര്‍ന്നാണ് പ്രോസിക്യൂഷന്‍ സമര്‍പ്പിച്ച അപേക്ഷയില്‍ വാദം കേള്‍ക്കുന്നത് കോടതി മാറ്റിയത്.

രാഹുല്‍ മാങ്കൂട്ടത്തിലിന്റെ വക്കീല്‍ ശാസ്ത്തമംഗലം അജിത് കോടതിയില്‍ ഹാജരായി. ബലാത്സംഗം ഉള്‍പ്പെട്ട കേസ് ആയതിനാല്‍ ഇരയുടെ വിവരങ്ങള്‍ അടങ്ങിയ രേഖകള്‍ പ്രതി ഭാഗത്തിന് നല്‍കിയത്തിന്റെ രഹസ്യ സ്വഭാവം സൂക്ഷിക്കണം എന്ന് പ്രോസിക്യൂട്ടര്‍ കോടതിയില്‍ ആവശ്യപ്പെട്ടു. ഹരജിയില്‍ വിശദമായ വാദം കോടതി മാര്‍ച്ച് ആറിലേക്ക് വീണ്ടും പരിഗണിക്കും. 

തിരുവനന്തപുരം ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതി മൂന്നാണ് കേസ് പരിഗണിക്കുന്നത്. നേരത്തെ ജില്ലാ കോടതി മുന്‍കൂര്‍ ജാമ്യം അനുവദിക്കുമ്പോള്‍ നല്‍കിയിരുന്ന അഞ്ചാമത്തെ വ്യവസ്ഥയാണ് രാഹുല്‍ മാങ്കൂട്ടത്തില്‍ ലംഘിച്ചത്.