ബീജിങ്: ചൈനയിലെ ചോങ്കിങ് മുന്‍സിപ്പാലിറ്റിയില്‍ നിര്‍മാണത്തിലിരുന്ന ഹൈവേ തുരങ്കത്തിലുണ്ടായ ശക്തമായ സ്‌ഫോടനത്തില്‍ നാല് തൊഴിലാളികള്‍ മരണപ്പെട്ടു. ഒമ്പത് പേര്‍ക്ക് പരിക്കേറ്റു. ഹുബെയ്, സിചുവാന്‍ പ്രവിശ്യകളെ തമ്മില്‍ ബന്ധിപ്പിക്കുന്ന ദേശീയ പാതയുടെ നിര്‍മാണ സ്ഥലത്താണ് തിങ്കളാഴ്ച ഉച്ചയോടെ അപകടമുണ്ടായത്.

തുരങ്കം തുരക്കുന്നതിനിടെ പാറക്കെട്ടുകള്‍ക്കിടയില്‍ നിന്ന് പുറത്തുവന്ന മീഥേന്‍ പോലുള്ള ജ്വലന വാതകങ്ങള്‍ (കത്തിപ്പിടിക്കാന്‍ സാധ്യതയുള്ള) വായുസഞ്ചാരമില്ലാത്ത തുരങ്കത്തിനുള്ളില്‍ കുടുങ്ങിക്കിടന്നതാണ് സ്‌ഫോടനത്തിന് കാരണമായതെന്ന് കരുതുന്നു. ഒരാളെ കാണാതാവുകയും 12 പേര്‍ക്ക് പരിക്കേല്‍ക്കുകയും ചെയ്ത സംഭവത്തില്‍, പിന്നീട് നടത്തിയ തിരച്ചിലിലാണ് കാണാതായ വ്യക്തിയുടെ മൃതദേഹം കണ്ടെത്തിയത്. പരിക്കേറ്റവരില്‍ മൂന്ന് പേര്‍ ചികിത്സയിലിരിക്കെ മരണത്തിന് കീഴടങ്ങുകയായിരുന്നു.

 ALSO READ: 1991 ലെ മാന്ദ്യം ആവര്‍ത്തിക്കുമോ? ഇന്ത്യയുടെ സാമ്പത്തിക ഭദ്രതയ്ക്ക് മേല്‍ എണ്ണവിലയുടെ കരിനിഴല്‍

സംഭവത്തില്‍ ചൈനീസ് ഭരണകൂടം ഉന്നതതല അന്വേഷണത്തിന് ഉത്തരവിട്ടു. നിര്‍മാണ വേളയില്‍ പാലിക്കേണ്ട സുരക്ഷാ മാനദണ്ഡങ്ങളില്‍ വീഴ്ചയുണ്ടായോ എന്ന് പരിശോധിക്കും. വാഞ്ചോ ഡിസ്ട്രിക്റ്റ് ട്രാന്‍സ്‌പോര്‍ട്ട് കമ്മീഷന്‍ അപകടം സ്ഥിരീകരിക്കുകയും പ്രദേശം സീല്‍ ചെയ്യുകയും ചെയ്തു. അതിവേഗ വികസനം നടക്കുമ്പോഴും ചൈനയിലെ നിര്‍മാണ മേഖലകളില്‍ സുരക്ഷാ വീഴ്ചകള്‍ തുടര്‍ച്ചയായി റിപോര്‍ട്ട് ചെയ്യപ്പെടുന്നത് വലിയ ആശങ്കയ്ക്ക് കാരണമാകുന്നുണ്ട്.

A gas explosion at a highway tunnel under construction in Chongqing, China, claimed four lives and left nine others injured, highlighting ongoing safety concerns in the country's rapid infrastructure sector.