കൊല്ലം: കെഎസ്ആർടിസി ബസിന് നേരെ പാഞ്ഞെത്തി കാട്ടാന യാത്രക്കാരെ ഭീതിയിലാഴ്ത്തി. അലിമുക്ക് അച്ചൻകോവിൽ കാനനപാതയിൽ വളയം കാവിന് തിങ്കളാഴ്ച രാവിലെ 11.30നായിരുന്നു സംഭവം നടന്നത്. പുനലൂരിൽ നിന്നും അച്ചൻകോവിലേക്ക് പോവുകയായിരുന്നു ബസ്. ഈ സമയം ബസിന്റെ മുന്നിലേക്ക് കാട്ടാന എത്തുകയായിരുന്നു.  കാട്ടാന ബസിന്റെ ചില്ല് തകർക്കാനും ശ്രമം നടത്തി. 

ആനയെ കണ്ട ഡ്രൈവർ ബസ് സൈഡിലേക്ക് ഒതുക്കി നിർത്തുകയും മുന്നിലേക്ക് ആന വന്നതോടെ ബസ് പിന്നോട്ടെടുക്കുകയുമായിരുന്നു. എന്നാൽ ആന ബസിന്റെ മുന്നിലേക്ക് പാഞ്ഞടുത്തു കൊണ്ടിയിരുന്നു. യാത്രക്കാർ ബഹളം ഉണ്ടാക്കിയതോടെ ആന പിന്തിരിഞ്ഞു നടക്കുകയായിരുന്നു. 

ആനക്ക് പുറകിലായുണ്ടായിരുന്ന ഇരുചക്ര വാഹനങ്ങളിലും യാത്രക്കാർ ഉണ്ടായിരുന്നു. കൊടമല ഭാഗം മുതൽ ആന വരുകയായിരുന്നുവെന്ന് ബൈക്ക് യാത്രക്കാർ വ്യക്തമാക്കി. ഇതിന് മുമ്പും ആനയുടെ സാന്നിധ്യം ഈ സ്ഥലങ്ങളിൽ ഉണ്ടായിട്ടുണ്ടെന്നും എന്നാൽ ഇത്തരത്തിൽ പ്രകോപനം ആദ്യമായിട്ടാണെന്നും ബസ് ജീവനക്കാർ പറഞ്ഞു.