ന്യൂഡല്‍ഹി: വിവിധ സംസ്ഥാനങ്ങളിലെ ഗവര്‍ണര്‍മാരെ മാറ്റി കേന്ദ്ര സര്‍ക്കാര്‍ ഉത്തരവിറക്കി. പശ്ചിമ ബംഗാള്‍ ഗവര്‍ണര്‍ സിവി ആനന്ദബോസിന്റെ രാജി അംഗീകരിച്ചതിന് പിന്നാലെയാണ് നടപടി. ആനന്ദബോസിന് പകരം തമിഴ്‌നാട് ഗവര്‍ണര്‍ ആര്‍ എന്‍ രവിയെ ബംഗാള്‍ ഗവര്‍ണറായി നിയമിച്ചു. 

ബംഗാളിന് പുറമെ ഡല്‍ഹി, ബിഹാര്‍, തെലങ്കാന, നാഗാലാന്റ് സംസ്ഥാനങ്ങളിലും മാറ്റമുണ്ട്. ആര്‍എന്‍ രവിക്ക് പകരം തമിഴ്‌നാട്ടില്‍ നിലവില്‍ പുതിയ ഗവര്‍ണറെ നിശ്ചയിച്ചിട്ടില്ല. കേരള ഗവര്‍ണര്‍ രാജേന്ദ്ര ആര്‍ലേക്കറിനാണ് തമിഴ്‌നാടിന്റെ അധിക ചുമതല. മുന്‍ കേരള ഗവര്‍ണര്‍ ആരിഫ് മുഹമ്മദ് ഖാന് പകരം റിട്ട ലെഫ്റ്റനന്റ് ജനറല്‍ സയ്യിദ് അത ഹസൈന്‍ ആണ് പുതിയ ബിഹാര്‍ ഗവര്‍ണര്‍. 

ALSO READ: ഇന്ത്യയുടെ സുഖോയ് 30 യുദ്ധവിമാനം തകര്‍ന്നുവീണതായി സംശയം; പൈലറ്റിനെ കാണാനില്ല; അന്വേഷണം ആരംഭിച്ച് വ്യോമസേന  

ഡല്‍ഹിയില്‍ ലഫ്. ഗവര്‍ണറായി തരണ്‍ജിത് സിങ് സന്ധുവിനെ നിയമിച്ചു. ഡല്‍ഹിയിലെ ഗവര്‍ണറായിരുന്ന വിനയ്കുമാര്‍ സക്‌സേനയെ ലഡാക്കിലേക്കും, തെലങ്കാന ഗവര്‍ണര്‍ ജിഷ്ണു ദേവ് വര്‍മ്മയെ മഹാരാഷ്ട്രയിലേക്കും മാറ്റിയിട്ടുണ്ട്. നന്ദകിഷോര്‍ യാദവാണ് നാഗാലാന്റിലെ പുതിയ ഗവര്‍ണര്‍. 

അതേസമയം രാജിവെച്ച ലഡാക് ഗവര്‍ണര്‍ കവിന്ദര്‍ ഗുപ്തയെ ഹിമാചല്‍ പ്രദേശ് ഗവര്‍ണറായി നിയമിച്ചു. ഹിമാചല്‍ പ്രദേശ് ഗവര്‍ണറായിരുന്ന ശിവപ്രതാപ് ശുക്ലയെ പുതിയ തെലങ്കാന ഗവര്‍ണറായും നിയമിച്ചു. 

Central government ordered a reshuffle of governors in states. R. N. Ravi, currently governor of Tamil Nadu, has been appointed as the new governor of west bengal.