2026 ടി-20 ലോകകപ്പ്‌ കലാശ പോരാട്ടത്തിന് ഇനി മണിക്കൂറുകൾ മാത്രമേ ബാക്കിയുള്ളൂ. 2024ൽ സ്വന്തമാക്കിയ ടി-20 കിരീടം സ്വന്തം മണ്ണിൽ നിലനിർത്തുകയെന്ന വലിയ ലക്ഷ്യവുമായാണ് സൂര്യകുമാർ യാദവും സംഘവും കളത്തിലിറങ്ങുന്നത്. അഹമ്മദാബാദ് നരേന്ദ്രമോദി സ്റ്റേഡിയത്തിൽ നടക്കുന്ന ഫൈനൽ മത്സരത്തിൽ ന്യൂസിലാൻഡാണ് ഇന്ത്യയുടെ എതിരാളികൾ. ഈ ടൂർണമെന്റിൽ ഇന്ത്യയെ പരാജയപ്പെടുത്തിയ ഏക ടീം സൗത്ത് ആഫ്രിക്കയെ വീഴ്ത്തിയാണ് കിവികൾ ഫൈനലിലേക്ക് പറന്നത്. ടൂർണമെന്റിലെ മികച്ച രണ്ട് ടീമുകൾ കിരീട പോരാട്ടത്തിനായി നേർക്കുനേർ മത്സരക്കുമ്പോൾ അഹമ്മദാബാദിന്റെ മണ്ണിൽ തീപാറുമെന്ന് ഉറപ്പാണ്. 

ഇന്ന് ലോക കിരീടം നേടിയാൽ മറ്റൊരു ടീമിനും സ്വന്തമാക്കാൻ സാധിക്കാത്ത ഒരുപിടി നേട്ടങ്ങൾ ഇന്ത്യക്ക് സ്വന്തമാക്കാനാവും. ഏറ്റവും കൂടുതൽ ടി-20 ലോകകപ്പുകൾ സ്വന്തമാക്കുന്ന ടീമെന്ന നേട്ടമാണ് ഇന്ത്യയുടെ മുന്നിലുള്ളത്. 2007ലും 2024ലും സ്വന്തമാക്കിയ ഇന്ത്യ മൂന്നാം കിരീടമാണ് ലക്ഷ്യം വെക്കുന്നത്. തുടർച്ചയായി രണ്ട് തവണ ടി-20 ലോകകപ്പ് സ്വന്തമാക്കുന്ന ചരിത്രത്തിലെ ആദ്യ ടീമെന്ന നേട്ടമാണ് ഇന്ത്യക്ക് മുന്നിലുള്ള രണ്ടാമത്തെ നേട്ടം. കിരീടം നേടിയാൽ ടി-20 ലോകകപ്പ് നേടുന്ന ആദ്യ ആതിഥേയ രാജ്യമായി മാറാനും ഇന്ത്യക്ക് സാധിക്കും. 

ഇത് നാലാം തവണയാണ് ടീം ഇന്ത്യ ടി-20 ലോകകപ്പ് ഫൈനലിലെത്തുന്നത്. 2007,2014,2024 വർഷങ്ങളിലാണ് ഇതിനു മുമ്പ് ഇന്ത്യ കലാശപ്പോരിനെത്തിയത്. 2007ൽ പാകിസ്ഥാനെയും 2024ൽ ദക്ഷിണാഫ്രിക്കയെയും വീഴ്ത്തി കിരീടം നേടിയപ്പോൾ 2014ൽ ശ്രീലങ്കയോട് പരാജയപ്പെടുകയായിരുന്നു. 

അതേസമയം ഇംഗ്ലണ്ടിനെ വീഴ്ത്തി ഫൈനലിലേക്ക് മുന്നേറിയതോടെ ഐസിസി ടൂർണമെന്റുകളിൽ തുടർച്ചായി ഏറ്റവും കൂടുതൽ തവണ ഫൈനലിലെത്തുന്ന ടീമായും ഇന്ത്യ മാറി. ഇത് ഇന്ത്യയുടെ നാലാമത്തെ തുടർച്ചയായ ഫൈനലാണ്. 2023 ഐസിസി ഏകദിന ലോകകപ്പ്, 2024 ഐസിസി ടി-20 ലോകകപ്പ്, 2025 ഐസിസി ചാമ്പ്യൻസ് ട്രോഫി, 2026 ഐസിസി ടി-20 എന്നീ ടൂർണമെന്റുകളിലാണ്‌ ഇന്ത്യ തുടർച്ചയായി ഫൈനലിലെത്തിയത്.

മൂന്ന് തവണ തുടർച്ചയായി ഫൈനലിലേക്ക് മുന്നേറിയ വെസ്റ്റ് ഇൻഡീസിനെ മറികടന്നാണ് ഇന്ത്യയുടെ കുതിപ്പ്. 1975 ലോകകപ്പ്, 1979 ലോകകപ്പ്, 1983 ലോകകപ്പ് എന്നീ ടൂർണമെന്റുകളിലാണ് വിൻഡീസ് ഫൈനൽ കളിച്ചത്. ഇന്ത്യ സൗരവ് ഗാംഗുലിയുടെ കീഴിലും മൂന്ന് തവണ തുടർച്ചയായി ഫൈനലിൽ എത്തിയിട്ടുണ്ട്. ചാമ്പ്യൻസ് ട്രോഫി 2000, 2002, 2003 ഏകദിന ലോകകപ്പ് എന്നീ ടൂർണമെന്റുകളിലാണ് ഇന്ത്യ യോഗ്യത നേടിയത്. 

If India wins the ICC T20 World Cup today, it will be able to achieve a handful of achievements that no other team has been able to achieve. India has the distinction of being the team that has won the most T20 World Cups. India, which won in 2007 and 2024, is aiming for a third title. The second achievement for India is becoming the first team in history to win the T20 World Cup twice in a row. If they win the title, India can also become the first host nation to win the T20 World Cup.