ചെന്നിത്തല: ആലപ്പുഴ ചെന്നിത്തല ജവഹര്‍ നവോദയ വിദ്യാലയത്തിലെ പ്ലസ് വണ്‍ വിദ്യാര്‍ഥി അഭിഗീതിനെ ഹോസ്റ്റല്‍ മുറിയില്‍ മരിച്ച നിലയില്‍ കണ്ടെത്തിയ സംഭവത്തില്‍ ദുരൂഹത ആരോപിച്ച് കുടുംബം. മകന്‍ ഒരിക്കലും ആത്മഹത്യ ചെയ്യില്ലെന്നും ഇതൊരു കൊലപാതകമാണെന്നും പിതാവ് ആരോപിച്ചു. സംഭവത്തില്‍ മാന്നാര്‍ പൊലിസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.

ചൊവ്വാഴ്ച ഉച്ചയ്ക്ക് ശേഷം കാണാതായ അഭിഗീതിനെ പിന്നീട് സ്‌കൂളിലെ ശുചിമുറിക്ക് സമീപം മരിച്ച നിലയില്‍ കണ്ടെത്തുകയായിരുന്നു. 'ഞാന്‍ എന്റെ ജീവിതത്തെ വെറുക്കുന്നു അമ്മൂ' എന്ന് ഇംഗ്ലീഷില്‍ എഴുതിയ ഒരു ആത്മഹത്യാ കുറിപ്പ് പൊലിസ് കണ്ടെടുത്തിട്ടുണ്ട്. മരണകാരണം വ്യക്തിപരമായ പ്രശ്‌നങ്ങളാണോ എന്ന് പൊലിസ് പരിശോധിച്ചുവരികയാണ്.

ALSO READ: വാക്കുപാലിച്ച് രാഹുല്‍ ഗാന്ധി; ഹരിയാനയിലെ കര്‍ഷകന്റെ മകളുടെ വിവാഹത്തിനെത്തി പ്രതിപക്ഷ നേതാവ്

കഴിഞ്ഞ എട്ട് മാസത്തിനിടെ ഈ സ്‌കൂള്‍ ഹോസ്റ്റലില്‍ നടക്കുന്ന രണ്ടാമത്തെ മരണമാണിത് എന്നത് സംഭവത്തിന്റെ ഗൗരവം വര്‍ധിപ്പിക്കുന്നു. എട്ട് മാസം മുന്‍പ് പത്താം ക്ലാസ് വിദ്യാര്‍ഥിനിയായ എസ്. നേഹയെയും സമാനമായ രീതിയില്‍ ഹോസ്റ്റല്‍ ഇടനാഴിയില്‍ മരിച്ച നിലയില്‍ കണ്ടെത്തിയിരുന്നു. തുടര്‍ച്ചയായുണ്ടാകുന്ന ഇത്തരം സംഭവങ്ങളില്‍ രക്ഷിതാക്കളും നാട്ടുകാരും വലിയ ആശങ്കയിലാണ്.

mannar police have registered a case of unnatural death following the discovery of plus one student abhigit's body at chennithala navodaya school hostel, while his father alleges murder and points to the fact that this is the second such incident at the school in eight months.