ഒമാനിലെ സോഹാറിൽ ഡ്രോണുകൾ തകർന്നുവീണു; രണ്ട് പ്രവാസികൾക്ക് ദാരുണാന്ത്യം; അന്വേഷണം ആരംഭിച്ചു
മസ്കത്ത്: ഒമാനിലെ സോഹാർ വിലായത്തിൽ ഡ്രോണുകൾ തകർന്നുവീണുണ്ടായ അപകടത്തിൽ രണ്ട് പ്രവാസികൾ കൊല്ലപ്പെട്ടു. രണ്ട് ഡ്രോണുകളാണ് തകർന്നുവീണത്. ഒമാൻ ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്.
സോഹാറിലെ അൽ അവാഹി വ്യവസായ മേഖലയിലാണ് ഡ്രോൺ തകർന്നുവീണത്. ഇതേ തുടർന്ന് രണ്ട് തൊഴിലാളികൾ മരിക്കുകയും നിരവധി പേർക്ക് പരുക്കേൽക്കുകയും ചെയ്തു. അതേസമയം, രണ്ടാമത്തെ ഡ്രോൺ ആൾവാസമില്ലാത്ത വിജനമായ സ്ഥലത്താണ് പതിച്ചത്. ഇവിടെ നാശനഷ്ടങ്ങളോ ജീവഹാനിയോ റിപ്പോർട്ട് ചെയ്തിട്ടില്ല.
സംഭവവുമായി ബന്ധപ്പെട്ട് അധികൃതർ സ്ഥലത്തെത്തി തുടർനടപടികൾ സ്വീകരിച്ചു വരികയാണ്. രണ്ട് അപകടങ്ങളെക്കുറിച്ചും വിശദമായ അന്വേഷണം ആരംഭിച്ചിട്ടുണ്ട്. രാജ്യത്തിന്റെ സുരക്ഷ ഉറപ്പാക്കാനും പൗരന്മാരുടെയും താമസക്കാരുടെയും സംരക്ഷണത്തിനുമായി എല്ലാ സന്നാഹങ്ങളും വിന്യസിച്ചിട്ടുണ്ടെന്ന് അധികൃതർ വ്യക്തമാക്കി.
Two drones crashed in Oman's Sohar district, killing two expatriate workers and injuring several others. One drone hit an industrial zone, while the second fell in an open area with no casualties reported. Authorities are investigating the incidents.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."