കൊച്ചി: സംസ്ഥാനത്തെ സ്വകാര്യ ആശുപത്രിയിലെ നഴ്സുമാർ നടത്തുന്ന അനിശ്ചിതകാല സമരത്തിൽ നിർണ്ണായക ഇടപെടലുമായി ഹൈക്കോടതി. സമരം പരിഹരിക്കുന്നതിനായി മധ്യസ്ഥ ചർച്ച നടത്താൻ കോടതി നിർദേശിച്ചു. ഹൈക്കോടതി മീഡിയേഷൻ സെന്ററിന്റെ നേതൃത്വത്തിൽ ചൊവ്വാഴ്ചയാണ് ചർച്ച നടക്കുക. മധ്യസ്ഥ ചർച്ചകൾ പൂർത്തിയാകുന്നത് വരെ സമരം തുടരരുതെന്ന് കോടതി കർശന നിർദേശം നൽകിയിട്ടുണ്ട്. കേസിൽ മധ്യസ്ഥനെ നിയോഗിക്കാൻ ഹൈക്കോടതി മീഡിയേഷൻ സെന്ററിനെ ചുമതലപ്പെടുത്തി.

ആശുപത്രികളുടെ പ്രവർത്തനം തടസ്സപ്പെടാതിരിക്കാൻ പൊലിസ് സംരക്ഷണം ഉറപ്പാക്കാൻ സർക്കാരിന് ഹൈക്കോടതി നിർദേശം നൽകി. ആശുപത്രി സേവനങ്ങൾ മുടങ്ങുന്നില്ലെന്ന് സർക്കാർ ഉറപ്പുവരുത്തണമെന്ന് കോടതി ആവശ്യപ്പെട്ടു.

ശമ്പള പരിഷ്കരണം ആവശ്യപ്പെട്ട് നഴ്സുമാർ നടത്തുന്ന സമരം ആറാം ദിവസത്തിലേക്ക് കടന്ന സാഹചര്യത്തിലാണ് കോടതിയുടെ ഈ ഇടപെടൽ. അത്യാഹിത വിഭാഗം ഉൾപ്പെടെ ബഹിഷ്കരിച്ചുള്ള സമരം രോഗീപരിചരണത്തെ സാരമായി ബാധിച്ചു തുടങ്ങിയിരുന്നു.

നഴ്സിംഗ് സംഘടനകൾ തങ്ങളുടെ ആവശ്യങ്ങളിൽ ഉറച്ചുനിൽക്കുമ്പോൾ, നിലവിലെ സമരം അനാവശ്യമാണെന്നാണ് മാനേജ്‌മെന്റുകളുടെ വാദം. കോടതി ഇടപെട്ട സാഹചര്യത്തിൽ ചൊവ്വാഴ്ച നടക്കാനിരിക്കുന്ന മധ്യസ്ഥ ചർച്ചകൾ നഴ്സുമാരുടെ സമരത്തിന് ഒരു ശാശ്വത പരിഹാരമുണ്ടാക്കുമോ എന്നാണ് എല്ലാവരും ഉറ്റുനോക്കുന്നത്.

The Kerala High Court has intervened in the ongoing indefinite strike by private hospital nurses, directing a mediation talk to be held this coming Tuesday at the High Court Mediation Centre. The court ordered that the strike must be put on hold until the mediation process is completed.