തെല്‍അവീവ്: ഇസ്‌റാഈല്‍ കുടിയേറ്റ വകുപ്പ് മന്ത്രി ഒറിറ്റ് സ്‌ട്രോക്കിന്റെ മകള്‍ ശോശന്നയെ (34) മരിച്ച നിലയില്‍ കണ്ടെത്തി. വടക്കന്‍ ഇസ്‌റാഈലിലെ മോഷോവിലുള്ള വീട്ടിലാണ് ശോശന്നയുടെ മൃതദേഹം കണ്ടെത്തിയതെന്ന് മാധ്യമങ്ങള്‍ റിപ്പോര്‍ട്ട് ചെയ്തു. മാതാപിതാക്കളും, സഹോദരനും ചേര്‍ന്ന് കുട്ടിക്കാലത്ത് തന്നെ ലൈംഗികമായി പീഡിപ്പിച്ചുവെന്ന് അടുത്തിടെ ശോശന്ന വെളിപ്പെടുത്തിയിരുന്നു. 

ഇസ്‌റാഈലില്‍ ഏറെ വിവാദം പിടിച്ച കുടുംബമാണ് ശോശന്നയുടേത്. കുട്ടിക്കാലത്ത് സ്വന്തം മകളെ ലൈംഗികമായി ചൂഷണം ചെയ്‌തെന്ന ആരോപണം നേരിടുന്ന വ്യക്തിയാണ് മന്ത്രി ഒറിറ്റ് സ്‌ട്രോക്ക്. സംഭവത്തില്‍ കഴിഞ്ഞ ഏപ്രിലില്‍ ശോശന്ന ഇറ്റലി പൊലിസില്‍ പരാതി നല്‍കിയിരുന്നു. പിന്നീട് ഇസ്‌റാഈലിലേക്ക് മടങ്ങിയെത്തിയ ശേഷം അവിടെയും പരാതി നല്‍കിയെങ്കിലും വാര്‍ത്തകള്‍ പ്രസിദ്ധീകരിക്കുന്നതില്‍ നിന്ന് മാധ്യമങ്ങളെ ഇസ്‌റാഈലിലെ കോടതി വിലക്കുകയാണുണ്ടായത്. 

ALSO READ: ഇറാനെ പ്രതിയാക്കാന്‍ 9/11ന് സമാനമായ ഭീകരാക്രമണത്തിന് എപ്സ്റ്റീന്‍ സംഘം ഗൂഢാലോചന നടത്തുന്നു; ഇറാന്‍ സുരക്ഷ ഉദ്യോഗസ്ഥന്റെ മുന്നറിയിപ്പ്  

ഗുരുതരമായ ലൈംഗിക കുറ്റകൃത്യങ്ങളുടെ പേരില്‍ കുപ്രസിദ്ധി നേടിയ ആളാണ് ശോശന്നയുടെ സഹോദരന്‍ സ്വിക്കി സ്‌ട്രോക്ക്. ഫലസ്തീനി ബാലനെ തട്ടിക്കൊണ്ടുപോയി പീഡിപ്പിച്ചതിന് ഇയാളെ ഇസ്‌റാഈല്‍ കോടതി 30 മാസം തടവിന് ശിക്ഷിച്ചിരുന്നു. ഈ കേസില്‍ സ്വന്തം മകന്റെ ലൈംഗിക വൈകൃതത്തെ ന്യായീകരിച്ച് രംഗത്തെത്തിയ ശോശന്നയുടെ മാതാവും വാര്‍ത്തകളില്‍ കുപ്രസിദ്ധിയാര്‍ജിച്ച വ്യക്തിയാണ്. ഇതിനെല്ലാം പുറമെയാണ് തന്നെ ലൈംഗികമായി ചൂഷണം ചെയ്തുവെന്നും പീഢന ദൃശ്യങ്ങള്‍ ചിത്രീകരിച്ചുവെന്നും വീഡിയോകള്‍ കുട്ടികളുടെ അശ്ലീലചിത്രമായി നല്‍കിയെന്നും ശോശന്ന വെളിപ്പെടുത്തിയിരുന്നു. 

shoshanna (34), the daughter of israel’s immigration minister orit strook, was found dead. media reports said that shoshanna’s body was discovered at her home in moshav in northern israel.