തിരുവനന്തപുരം:  ഉപഭോക്താക്കളിൽ നിന്നും ഒരു ഓർഡറിന് ഈടാക്കുന്ന പ്ലാറ്റ്ഫോം ഫീസ് 2.40 രൂപയാക്കി വർദ്ധിപ്പിച്ച് സൊമാറ്റോ. ഫുഡ് ഡെലിവറി ആപ്പിലെ പ്ലാറ്റ്ഫോം ഫീസ് 12.5 രൂപയിൽ നിന്നും 14.9 രൂപയായി ഉയരുകയും ചെയ്തു. 19.2 ശതമാനം വർധനവാണ് പ്ലാറ്റ്ഫോം ഫീസിൽ ഉണ്ടായിട്ടുള്ളത്. ക്രൂഡ് ഓയിൽ വിപണികളിൽ ഉണ്ടാവുന്ന മാറ്റങ്ങളും ഇന്ധന വിലയിലെ വർധനവുമാണ് വില വർധനവിന് കാരണമെന്നാണ് കമ്പനി വ്യക്തമാക്കുന്നത്. 

2025ലായിരുന്നു അവസാനമായി വിലയിൽ വർധനവുണ്ടായിരുന്നത്. ഇതുവരെ ആറ് തവണയാണ് പ്ലാറ്റ്ഫോം ഫീസ് ഉയർത്തിയിട്ടുള്ളത്.

അതേസമയം സൊമാറ്റോ, സിഗ്ഗി എന്നീ ഭക്ഷണം വിതരണ പ്ലാറ്റ്ഫോമുകൾക്ക് പുറമേ അടുത്തിടെ ബെംഗളൂരുവിൽ ഓൺലി എന്ന സേവനവുമായി അർബൻ മൊബിലിറ്റി സ്റ്റാർട്ടപ്പ് റാപ്പിഡ് ഭക്ഷണ വിതരണ മേഖലയിലേക്ക് പ്രവേശിച്ചിരുന്നു. അധികമായ പ്ലാറ്റ്ഫോം ചാർജുകൾ ഇല്ലാതെ ഉപഭോക്താക്കളിൽ നിന്നും ഡെലിവറി ഫീസ് മാത്രമാണ് ഓൺലി ഈടാക്കുന്നത്.