ആലപ്പുഴ: മുന്‍ സി.പി.എം നേതാവും അമ്പലപ്പുഴയിലെ സ്വതന്ത്രസ്ഥാനാര്‍ഥിയുമായ ജി സുധാകരനെതിരെ രൂക്ഷവിമര്‍ശനവുമായി മന്ത്രി സജി ചെറിയാന്‍. ജി സുധാകരന്‍ പാര്‍ട്ടിയുടെ ചങ്കില്‍ കുത്തിയെന്നും കാണിച്ചത് രാഷ്ട്രീയ വഞ്ചനയാണെന്നും സജി ചെറിയാന്‍ പറഞ്ഞു. ചേര്‍ത്തലയില്‍ തെരഞ്ഞെടുപ്പ് യോഗത്തില്‍ പങ്കെടുത്ത് സംസാരിക്കുകയായിരുന്നു സജി ചെറിയാന്‍.

കെ സുധാകരന് സീറ്റ് കിട്ടിയില്ല, പക്ഷെ അദ്ദേഹം പാര്‍ട്ടിയെ ചതിച്ചില്ല. അതാണ് രാഷ്ട്രീയ ധാര്‍മികത. ചങ്കില്‍ കുത്തിയവരെ കൂട്ട് പിടിച്ച് ജയിക്കാമെന്ന് കോണ്‍ഗ്രസ് കരുതേണ്ടെന്നും സജി ചെറിയാന്‍ പറഞ്ഞു.

ALSO READ: മുഖ്യമന്ത്രി വിളിച്ചിട്ടില്ല, ഫോണില്‍ അങ്ങനെയൊരു കോളും വന്നിട്ടില്ല; പിണറായിയെ തള്ളി ജി. സുധാകരന്‍

കോണ്‍ഗ്രസിനെതിരെയും സജി ചെറിയാന്‍ രൂക്ഷമായ വിമര്‍ശനം അഴിച്ചുവിട്ടു. കോണ്‍ഗ്രസ് പാര്‍ട്ടി പിരിച്ചുവിടേണ്ട സമയം അതിക്രമിച്ചെന്നും, കഠിനാധ്വാനം ചെയ്യുന്ന സാധാരണ പ്രവര്‍ത്തകര്‍ക്ക് പാര്‍ട്ടിയില്‍ യാതൊരു വിലയും കല്‍പ്പിക്കുന്നില്ലെന്നും അദ്ദേഹം കുറ്റപ്പെടുത്തി. 'വെള്ളം കോരിയും വിറക് വെട്ടിയും ജീവിക്കുന്നവര്‍ക്ക് ഒരു വിലയുമില്ലാത്ത അവസ്ഥയാണിപ്പോഴുള്ളത്' എന്ന് അദ്ദേഹം പരിഹസിച്ചു. ആലപ്പുഴയിലെ രാഷ്ട്രീയ സ്ഥിതിയെക്കുറിച്ച് പ്രതികരിക്കവെ, 'ഷുക്കൂര്‍ കയറുമായി നില്‍ക്കുകയാണ്, ഏത് മരത്തില്‍ കെട്ടണമെന്നതാണ് ആലോചനയെന്നും അദ്ദേഹം സൂചിപ്പിച്ചു. 

അവസരവാദികളല്ലാത്ത വേറെ ആരെയും കോണ്‍ഗ്രസിന് കണ്ടെത്താനായോ എന്ന് സജി ചെറിയാന്‍ ചോദ്യമുയര്‍ത്തി. ആലപ്പുഴയിലും 'വിസ്മയം' സംഭവിച്ചല്ലോ എന്നും അദ്ദേഹം പരിഹസിച്ചു. നാളെ സജി ചെറിയാന്‍ പോയാല്‍ കൂടെ ഭാര്യ പോലും പോകില്ല. അങ്ങേരുടെ കൂടെ ഭാര്യ പോയ പോലെ കൂടെ വരുമെന്ന് കരുതേണ്ടെന്നാണ് എന്റെ ഭാര്യ പറഞ്ഞത്. അവര്‍ക്ക് പാര്‍ട്ടി മെമ്പര്‍ഷിപ്പ് ഉണ്ട്, അവള്‍ പാര്‍ട്ടിയോടൊപ്പമാണ് എന്നായിരുന്നു സജിചെറിയാന്റെ  പ്രതികരണം.

Saji Cherian sparked controversy with remarks comparing two senior leaders, stating that G. Sudhakaran had “betrayed the party,” while K. Sudhakaran was not the same. The statement has triggered political debate, drawing reactions from various quarters amid the ongoing election climate in Kerala.