കൊല്ലങ്കോട്: ആശ്രയം റൂറല്‍ ഡെവലപ്‌മെന്റ് സൊസൈറ്റി എന്‍ഡോസള്‍ഫാന്‍ കീടനാശിനി ദുരന്ത ബാധിതര്‍ക്ക് അവരുടെ വീടുകളില്‍ ചെന്ന് ഓണക്കിറ്റ് സമ്മാനിച്ചു. ആശ്രയം കോളജ് വിദ്യാര്‍ത്ഥികള്‍, സന്നദ്ധ പ്രവര്‍ത്തകര്‍ എന്നിവരുടെ സഹായത്തോടെ സമാഹരിച്ച ഭക്ഷ്യ വസ്തുക്കളാണ് കിറ്റിലുള്ളത്.
വിഭവ സമാഹരണത്തിലൂടെ  ലഭ്യമായ വസ്തുക്കള്‍ ഉള്‍പ്പെടുത്തി, മുതലമട പഞ്ചായത്തിലെ തിരഞ്ഞെടുക്കപ്പെട്ട കുടുംബങ്ങള്‍ക്കാണ് കിറ്റ് നല്‍കിയിട്ടുള്ളത്.
കൊല്ലങ്കോട് പരിസരത്തെ മറ്റു പഞ്ചായത്തുകളിലെ 250 നിര്‍ധന കുടുംബങ്ങള്‍ക്കും  കിറ്റ് എത്തിച്ചു.
 ആശ്രയം പ്രസിഡന്റ് സതീഷ്, സെക്രെട്ടറി വൈശാഖ് കൃഷ്ണന്‍, എക്‌സിക്യൂട്ടീവ് അംഗങ്ങളായ അരവിന്ദാക്ഷന്‍, റീത്ത, പ്രഫുല്ലദാസ് , എസ് ഗുരുവായൂരപ്പന്‍ എന്നിവര്‍ പ്രവര്‍ത്തനങ്ങള്‍ക്ക് നേതൃത്വം നല്‍കി.