അമ്പലപ്പുഴ: സിപിഎം നേതാക്കളെ വെല്ലുവിളിച്ച് മുതിര്‍ന്ന നേതാവ് ജി സുധാകരന്‍. പിണറായി വിജയനും, എം.വി ഗോവിന്ദനും, വിജയ രാഘവനും, സജി ചെറിയാനുമൊക്കെ അമ്പലപ്പുഴയില്‍ നിന്ന് മത്സരിച്ച് ജയിക്കാനുള്ള തന്റേടമുണ്ടോ എന്ന് ജി സുധാകരന്‍ ചോദിച്ചു. അമ്പലപ്പുഴയിലെ തെരഞ്ഞെടുപ്പ് ഓഫീസ് ഉദ്ഘാടന വേദിയിലായിരുന്നു സുധാകരന്റെ വെല്ലുവിളി. 

മൂന്നാം ഊഴം സംസ്ഥാന സെക്രട്ടറി ഉപേക്ഷിച്ചു. എല്ലാ സീറ്റിലും തോറ്റാലും അമ്പലപ്പുഴയില്‍ ജി സുധാകരനെ വിടരുതെന്നാണ് എംവി ഗോവിന്ദന്‍ ജില്ലാ സെക്രട്ടറിയേറ്റില്‍ പറഞ്ഞത്. കണ്ണൂരിലെ സുരക്ഷിത സീറ്റുകളില്‍ മാത്രമേ നിങ്ങള്‍ക്ക് മത്സരിച്ച് ജയിക്കാനാവൂ. അമ്പലപ്പുഴയില്‍ 61,000 വോട്ട് നേടി താന്‍ വിജയിക്കും. സുധാകരന്‍ പറഞ്ഞു. 

ALSO READ: ഇസ്‌റാഈല്‍ കെമിക്കല്‍ ഫാക്ടറിക്ക് നേരെ ഇറാന്റെ മിസൈല്‍ ആക്രമണം; രാസവസ്തുക്കള്‍ ചോര്‍ന്നു; സമീപ പ്രദേശങ്ങളില്‍ ജാഗ്രത നിര്‍ദേശം

മാത്രമല്ല ഈ പറയുന്ന നേതാക്കളുടെ ആരുടെയെങ്കിലും വീട്ടില്‍ രക്തസാക്ഷികളുണ്ടോ, അവര്‍ക്കൊന്നും ഒന്നും നഷ്ടപ്പെട്ടിട്ടില്ലെന്നും, നേടിയതേ ഉള്ളൂവെന്നും സുധാകരന്‍ കൂട്ടിച്ചേര്‍ത്തു. 

നിലവിലെ എല്‍ഡിഎഫ് സ്ഥാനാര്‍ഥിക്ക് ജനപിന്തുണ ഇല്ലെന്ന് തെളിയിക്കാനാണ് ഞാന്‍ മത്സരിക്കുന്നത്. നിരവധി ഫഌക്‌സുകളും പോസ്റ്ററുകളും നശിപ്പിച്ചു. ഇതുകൊണ്ടൊന്നും യാതൊരു പ്രയോജനവുമില്ല, സുധാകരന്‍ വ്യക്തമാക്കി.