ആലപ്പുഴ: ഇടതുപക്ഷത്ത് യഥാര്‍ഥ ഇടതുപക്ഷമായി ആരുമില്ലെന്നും ഈ തെരഞ്ഞെടുപ്പ് കഴിയുന്നതോടെ ഇടതുപക്ഷം ഇല്ലാതാകുമെന്നും കോണ്‍ഗ്രസ് നേതാവ് രാഹുല്‍ഗാന്ധി. ആലപ്പുഴയില്‍ ജി സുധാകരന്റെ തെരഞ്ഞെടുപ്പ് റാലിയിലാണ് രാഹുല്‍ഗാന്ധിയുടെ വിമര്‍ശനം. 

വര്‍ഗീയതയുടെ അദൃശ്യമായ കരങ്ങളാണ് എല്‍.ഡി.എഫിനെ മുന്നോട്ട് നയിക്കുന്നത്. കേരളത്തില്‍ സി.പി.എം-ബി.ജെ.പി നേതൃത്വങ്ങള്‍ തമ്മില്‍ അവിശുദ്ധ ബന്ധമുണ്ടെന്നും ഇടതുപക്ഷ മുന്നണിയിലെ പല നേതാക്കളും ഈ യാഥാര്‍ഥ്യം തിരിച്ചറിയുന്നുണ്ടെന്നും രാഹുല്‍ ഗാന്ധി പറഞ്ഞു.

ഇടതുപക്ഷത്ത് രണ്ട് വിഭാഗം നേതാക്കന്മാരാണുള്ളത്. എങ്ങനേയും അധികാരത്തിലെത്താന്‍ ശ്രമിക്കുന്ന ഒരു വിഭാഗവും ആശങ്ങള്‍ക്കായി ജീവിക്കുന്ന മറ്റൊരു വിഭാഗവും. അവര്‍ വഞ്ചിക്കപ്പെടുന്നതായും അദ്ദേഹം പറഞ്ഞു. 

എല്ലാ ദിവസവും ക്ഷേത്രങ്ങളെക്കുറിച്ച് പറയുന്ന മോദിക്ക് കേരളത്തിലെത്തുമ്പോള്‍ ശബരിമല സ്വര്‍ണക്കൊള്ളയെക്കുറിച്ച് ഒന്നും മിണ്ടുന്നില്ല. കേരളത്തിലെ ഏറ്റവും പ്രധാനപ്പെട്ട ക്ഷേത്രത്തിലാണ് കവര്‍ച്ച നടന്നത്, സ്വര്‍ണം കവര്‍ന്ന് പകരം ചെമ്പ് സ്ഥാപിച്ചു. കേരളത്തില്‍ വന്നപ്പോള്‍ പ്രധാനമന്ത്രി ഇതെല്ലാം മറന്നുവെന്നും രാഹുല്‍ പറഞ്ഞു.

Rahul Gandhi has criticized the Left Democratic Front (LDF), claiming that the Left will lose its relevance after the upcoming elections. He accused the alliance of being influenced by divisive and communal forces, sparking a fresh political debate. His remarks highlight the ongoing rivalry between the Congress party and Left parties, especially in Kerala, where both compete for political dominance.